Huppelpupke of lid vanne Jeugdraod waere? Schriêftj uch in!

17-11-2017

Joônk gelieërdj és aod gedaon!

Weem wiltj dur noow neet Huppelpupke of lid vanne Jeugdraod van Elluf waere?
De Rogstaekers zeen altiêd op zeûk nao jóng en enthousiaste vastelaovendjveerders di-j kluuër wille gaeve aane Wieërter vastelaovendj. Daorum kujjae met de formeleere op de contactpagina eûr belangstélling kinbaar make, zoeëdet eûr gegaeves beej os bekindj zeen.
Beej de Huppelpupkes zeen maegtjes van 8 t/m 12 jaor welkom. Inne Jeugdraod van Elluf waere jonges vör twieë jaor gekoeëze en gae komt dur in aszje in groep 7 zitj. En vör unne jong uut groep 8 és ut zelfs muuëgelik um Jeugdpreens te waere.
Zeeje nog neet zoeë aod: hieëlemaol neet êrrug. Vae beware eur gegaeves net zoeë lângk as noeëdig és en messchien zitte jullie eîn van de kaomendje jaore waal beej di-j groep enthousiaste vastelaovendjveerders, di-j neet bang zeen um oppe bühn te staon en de Wieërter wichtervastelaovendj vuuër te gaon.
Vûltj eîn van de formeleere same met eur pap of mam in en d’r wuertj zoeë snel muuëgelik contact met uch opgenoeëme.

Kiêktj ouch us oppe speciaal pagina’s van de Jeugdraod van Elluf en de Huppelpupkes.