In memoriam: Peter Coumans

22 november 2017

2013_Lid-van-verdeenste-Peter-Coumans 077
2017PeterCoumansPortret

’n Échte Rogstaeker és neet mieër.

Op vriêdig 17 november jl. bereikdje os ’t trieste bericht det oeës Ieërelid Peter Coumans tiêdes zien verbliêf in Spanje op 76-jaorige laeftiêd plotseling és gestôrve.

In 1973 woôrt Peter lid van oeës vereiniging en és det gebliêve tot en met de vastelaovendj van 2012; mer leêfst 40 jaor hieët Peter zich ingezatte vör de Wieërter vastelaovendj in ’t algemein en Stadsvastelaovendjvereiniging de Rogstaekers in ’t bezûndjer.
Vreejwaal eder kemissie binne de Rogstaekersvereiniging hieët op Peter z’ne tomeloze inzét moôge raekene. Jaorelânk woor hae as Sirremoniemeister en Kommissaris binne ’t besteur ein van de gezichte en stuuënpilare van oeës vereiniging.
’t Woor Peter dae de “Orde van ’t Kammeräödje” in ’t laeve geroôpe hieët: ’n Óngerscheiding vör minse di-j zich op de achtergrónd bezûndjer verdeênstelik hebbe gemaaktj vör de Wieërter vastelaovendj. As geistelik vader woor hae jaorliks nog stieëds zieër betrókke beej de uutreiking van dieës bezûndjer óngerscheiding.

Vör zien völ verdeênste hieët Peter alle óngerscheidinge di-j vae as Rogstaekersvereiniging uutreike moôge ontvânge en met ieër gedrage. Zoeë woor Peter óngermieër “Commandeur in de Orde van de Rog”, hieët hae names de Samewêrkendje Limburgse Vastelaovendjvereiniginge de “Orde van Verdienste” moôge ontvânge en woor hae Lid van Verdeênste en Ieërelid van Stadsvastelaovendjvereiniging de Rogstaekers.
Aane hieëmel fônkeltj noow ’n blaw-witte ster.
Vae wînse zien leêf vraw Jacomien, wichter en kleinkîndjer hieël völ stêrkdje in dieëze meûjlikke tiêd.

‘ne Léste saluut,

Stadsvastelaovendjvereiniging de Rogstaekers
Vorst Stan


Tags: -

Kiektj ouch us beej:

9 december 2017

  In ’t Rabobank Ledenmagazine Dichterbij stong onlangs ’n gesprek met oonger ângere Vorst Stan. In ’t artikel gieët hae in op ’t in stând haoje vanne vastelaovendj as cultuurgood, ’t Wieërter dialect en ‘t…

Vorst Stan oeëver cultuurgood, jeugd en vreejwilligers

Lees meer

17 november 2017

Joônk gelieërdj és aod gedaon! Weem wiltj dur noow neet Huppelpupke of lid vanne Jeugdraod van Elluf waere? De Rogstaekers zeen altiêd op zeûk nao jóng en enthousiaste vastelaovendjveerders di-j kluuër wille gaeve aane Wieërter…

Huppelpupke of lid vanne Jeugdraod waere? Schriêftj uch in!

Lees meer

17 november 2017

Op zoondig 12 november ’s in ut programma ActuWeerterland een interview uutgezônde det Peter Bouwels van WeertFm ieërder hieët gehadj met Vorst Stan. Heej unne leenk nao ut youtube-kanaal van WeertFM Ut gesprek begint op…

WeertFM in gesprek met Vorst Stan

Lees meer
Mieër noets