Un now rubriek inne aanloûp nao de Boonte Aovendje: ut Spuuëlerke van de waek.
In dieës ieërste aaflevering keumtj Erik Fikken aan 't woeërd.
Naam: Erik Fikken
Beejnaam: Moêlejan
Weej aod: 56
Relatie: Met Ans
Wieëk: Kieëntj, Vêrkusköp
Hobbies: Kâlle, schîldere, zînge, schrieëve, muziek make, tenieël spuuële, pilske drînke, op stap gaon in Tungelder
Weejlang dooj jae al met: Ich doon al 11 jaor met aan de Boonte Aovendje
Eur rol binnen de groep: Ich bin unne röstige, aoje mins dae binne de groep vör aevewicht zörgtj
Weej zeej jae beej de Boonte Aovundje gekaome?
Ivonne Hendriks zoog mich op L1 televies beej ut Mooi Limburgs Liedjes Festival Limburg en zag tieëge de rest; dae mins kan un bitje zinge. Zulle vae vraoge beej de ba? Des goot zagte di-j anger. En ich vong det ouch goot. Dus.
Favoerite BA stukske oeëts:
Koeëke met Zjaque vong ich ut schoeënst.
Vastelaovuntj vör mich es: … Opstap in Tungelder.
Weem wurtj dit jaor preens? Rob Prinse,
10 Boonte Aovundje vör mich es:
Un anger werreltj binne stappe. Der es niks schoeëners as minse unne feine aovuntj gaeve. Unne aovuntj woeë ze hebbe gelache mer ouch efkes met os in dae angere werreltj zeen gestaptj. En zoeë alles um zich haer kinne vergaete.
Met weem kuj jae uch ut beste veenge binnen de groep? Ich bin unne hieële gemekkelike en daorum kan ich ut met ederein van de groep goot vinge. Vae zeen same ein en met name de vröllie, met name Zjanoeke dus, dao kan ich ut goot vinge mer vae zeen allemaol geliek. Behalve Zjanoeke dan. Di-j es un bitje mieër gelieëk as di-j anger. Dus.
Weem es ut drukste in de kleitkamer? Brenda maaktj ederein paerswiltj in de kleitkamer met eur gekaak en alles. Dus. Det ze dao nog niks van gezachtj hebbe? Mer goot.
En ut röstigste? Anton es de röstigste. Dae mojje den hieëlentied wakker makke angers keumtje neet oppe buun.
Waat es eur ritueel vuurdet de BA begintj: Ich pak mich vuuër ich begin unne 7uplight.
Weem zoeeptj ut mieest tiedens de show? Jan Vaes knuptj de mieëste pilskes. Dus.
Welke artiest es volgende waek ut Spuuëlerke van de waek en waat zootj jae hem of heur willen vraöge?
Janou Koudijs; waat zeen dien 2 stêrkste punte?
