Un now rubriek inne aanloûp nao de Boonte Aovendje: ut Spuuëlerke van de waek.
In de twieëdje aaflevering reurtj Janou Koudijs d'r mundje.
Naam: Janou Koudijs
Beejnaam: zjenoeke, noek, tante sjaan, moppie. Soms neume ze mich auch Carla mer det snap ich neet, dao reagieër ich mieëstal neet op...
Laeftiêd: 32
Wêrk: Gedragsdeskundige PSW
Woeënplaats: Wieërt (Laor)
Relatie: jaozieëker, met Sander
Vraog van de vuurige waek van Erik Fikken waas: Hoi Janou, waat zeen dien 2 sterkste pûnte?
Ich bin good in stertdeîlingen en ich kan lekker tosti's make.
Weejvöl jaor deus-ze al mej:
dit weurtj mien derdje jaor.
Rol binnen de groep: ich mot altied Brenda's spulle klaorlègke, drînke hale en heur auch thoês breenge (en soms kriegtj ut zelf de deur neet mieër oeëpe).
Wi-j besse beej de boonte aovendj gekaome: via Marc, hae steurtje mich al un tiêd appjes, jeh en ich most det thoês uitlègke dus toen vroog ich aan Marc en now... jeh en toen mocht ich derbeej.
Dich deus auch nog mej de BA op laor met. Wi-j kins ze det combinieëre? Det es nao elkaar dus det és best gemekkelik.
Waat és dien favoriete BA sketch oeëts?
Det van Rewalt - dae zag steeds "te-wie" en det roop ich aafentow nog.
Welk stök es ut schoeënste woeë-se zelf in hes gespuuëltj: Paerdemaegdjes en de doêdskist (op laor). Det vong ich allebej êrg leuk um te doon!
Vastelaovendj és vor mich: dikke potte beer, stomme knauwel en lekker gek doon.
Weem wurtj preens: Marc Oppetroëdt
Vastelaovendj op Laor of inne Stad? Bitje van allebej
Woeërum motte de minse dit jaor nao de Boonte Aovendj kaome kieke: umdet ze un kaartje gekochtj hebbe.
Waat es dien vast ritueel 5 min vuur aanvang? Ich zing altied 't complieët Ave Maria
Waat gebuurtj d'r mieëstâl nao de show? Dao moog ich van Marc, Rob en Jack neet oëver kalle. #ichauch
Aan weem wil-se de volgende waek 'n vraog stelle en waat és de vraog? Rob, woeërum hejjae 'ne dikke kop en waat és eur leêvelingssop?
