Spuuëlerke van de waek 3

6 december 2017

2017BARobJongen

Un now rubriek inne aanloûp nao de Boonte Aovendje: ut Spuuëlerke van de waek.
In dieës dèrdje aaflevering keumtj Rob Jongen aan t woeërd.

Naam: Rob Jongen
Beejnaam: Röbke, Robbie, Heh Berrie
Leeftied: 38 en u bitje
Werk: Finansjieel menneke
Woeënplaats: Wieërt
Relatie: Inge en 2 wichter: zueënke Vic en dochterke Vive

Vraog van vuurige waek waas van Janou. Zegk Rob, woeërum hejjae 'ne dikke kop en waat es eur leêvelingssop? Ich heb zoeë 'ne dikke kop umdet ich altiêd de tekste van Janou mot onthaoje...niks kin ze!

Sop: zeipsop

Wi-jlang dao jae al mèt: 10e jaor

Rol binnen de groep: algemeine aanjager

Wi-j zeejjae beej de boonte aovendj gekaome: via de Boonte Wichtermiddig

Vastenaovendj es vor mich: de schoeënste tiêd van 't jaor

Weem weurtj Preens: unne manskaerel

Woeërum motte de minse dit jaor nao de boonte aovendj kaome : de mieëste stukke met de hoeëgste snelheid...en gae kindj d'r lache, zègke ze

Waat es eur vast ritueel 5 minute vuur aanvang? Fleske beer drînke

Waat doojjae inne tiêd dejjae neet oppe buhn staotj? Dan staon ich d'r naeve of beej d'n iêskast inne kleidkamer.

Waat és ut schoeënste stuk oeëts inne BA? Berrie en Barrie oppe milieustraot

Un stuk van uchzelf waat dejjae ut schoeënste vingtj? Monoloog schaerapparaat Jos Heijmans

Gae zeetj auch unne rabbedabber. Waat és det? Un rotzekske...en dét kloptj

Gae zeetj oeëts van loompigheid op eure kop gevalle met de fiets ongerwieëges nao de Meunt tow en zootj 10 minute veur de BA begos nog oppe Ieërste hulp met 4 hechtinge in eure kiebus.. gae hètj toen toch gespeultj .. det és klasse.. weej hejjae toch nog kinne spuuële ? Zoonger Marc waasj neet geluktj....zoonger Marc waas det auch neet gebuuërtj trouwes!!

Gâw antwoeërde:
-Berry of Barry: heh Berry
-Ed of Frans: Fred
-Vêrkusköp of Zweeloëere: Rogstaekers
-Boonte aovendj zoondig inne Stuiterbal of donderdignacht van de babpreens inne Hermeni-j: sorry..ich zet de escape in

Aan weem wildjae volgende waek un vraog stelle en waat és de vraog?? Marc Oppetroeët: woeërum hejje mich 3 jaor trök vuur aanvang vanne BA vanne fiets gerieëje? Waasje weer zjeloers op mieën typetjes en rolle inne BA?


Tags: -

Kiektj ouch us beej:

30 januari 2018

Wildjae de volledige uutslaag wieëte? De daelnemers: As dejje neet wiltj wachte, dan ki-jje noow al ’t optochtprogram aafhale beej WarenHuis-conceptstore in Cwartier. Vuuëraan tiêdes de optocht weurtj ’t program gratis verspreidj doeër minse van(‘n…

83 Daelnemers aan groeëte optocht

Lees meer

7 februari 2018

DE 3 DAAG: Um effe gaw nao te kieke as dejje ’t neet mieër weîtj:

DÉ 3 DAAG: Um te onthaoje of beej uch te hebbe

Lees meer

27 december 2017

Op maondjig 12 fibberwari 2018 trektj de Wichteroptocht wieër doeër de Wieërter binnestad, D’n optocht begintj um 14:00 oor. Beej dit bericht ki-jje ’t inschriêfformeleer vör 2018 downloade, zoeëdejje heej as eînling of as groep…

Inschriêve vör de Wichteroptocht

Lees meer
Mieër noets