Aktiviteite

Aktiviteite spesiaal vör de wichter, vingdje onger ‘t menu ‘Jeugd’.

Optochtenkalender van Nederland, België, Frankrijk, Duitsland, Denenmarken en Curacao.

Rogstaekers-Tillevies

Op zaoterdig 14 jannewari vanaaf 19.15 oor és ‘t dan zoeë wiêt. Op ‘t kenaal van WTV kujje gaon kieke nao ROG-TV. ‘t Vastelaovendj-journaal,optochtverhaole, Weem weur ‘t?,
Klip en Klaor, de Toksjoow en nog völ mieër programma’s völle de komplieëte aovendj tot um ongevieër 23.15 oor LIVE de uutroping van oeëze nowwe Stadspreens zal waere uutgezonde.
De tv-gids vingdje inne Trompetter van dieës waek en digitaal heej downloade:     programROGTVtbvweb

Kiekdje d’n hieëlen aovendj ROG-TV dan maakdje kâns op e SUPER ROGSTAEKERS-VASTELAOVENDJPAKKET, bestaondje uut; 2 kaarte vör de Boonte Aovendj van aankaomendje woonsdig, 2 kaartjes vör de Herrensitzung, 2 kaartjes vör Harry & de Gebroeëke Zwieëgelkes, 2 kaartjes vör ‘t Wiepkesbâl, ’n Rogstaekers-cd, De DVD van de Gulden Humor/Vastelaovendjproms en ‘n Rogstaekersvlag!!!!!!!

Dus stumtj zaoterdig 14 jannewari um 19.15 oor aaf op WTV.

Jeugd Gala Boonte Aovendj wuuërtj Boonte Aovendj

V.V. de Rogstaekers hieët jaomer genog motte besloête um de Jeugd Gala Boonte Aovendj van vriêdig 13 jannewari in de aangekondigdje opzét neet doeër te laote gaon. Dit gezeen de bepêrkdje belangstélling.
In plaats van dieëzen aovendj zal d’r dan ‘ne gewoeëne Boonte Aovendj waere opgeveurdj. Dae és dus neet meer oetsloêtendj doeër de jeugd te bezeuke mer és vör ederein towgângkelik. ‘t Thema ‘Gala’ en daomej ouch de ‘dresscode’ vervalle. ‘t Speciaal tarief van € 10,– vör jeugd mét ‘ne CJP-pas of schoeëlpasje blieftj waal van towpassing. De groeëte minse betale vör e kaartje € 17,50.
Doeër dieës aanpassing weur’t vör mieër minse muuëgelik asnog e kaartje te bemachtige vör de populaire Boonte Aovendj oppe ieërste vriêdig. Zieëker gezeen ‘t feit det verschillendje aovendje al zeen uutverkochtj en detter vör de ânger aovendje nog mer bepêrktj kaarte te kriêge zeen.
De ‘afterparty’ inne foyer mét Harry en de Gebroeëke Zwieëgelkes.
Dit optraeje, aansloêtendj aan dieëze Boonte Aovendj, moogdje gerösj ‘n extra bonusvuuërdael neume. ‘t És neet muuëgelik um al gekochdje of gerizzervieërdje kaarte van ‘nen ângere Boonte Aovendj um te ruuële.

Kaartjes bestelle:  beej  de uutbalie van ’t Munttheater (oeëpeningstiede deënsdig wes vriêdig van 12.30 wes 17.00 oor en zaoterdig  van 11.00 wes 16.00 oor, per tillefoon 0495-513575  of via www.munttheater.nl