V.V. de Rogstaekers – Wieërt

Foto’s lidjesfestival 2011

Rogstaekers Lidjesfestival 2012-2013

‘t Startsignaal vör ‘t now vastelaovendjsezoên 2012-2013 és weer gegaeve.

As ieërste aktiepûnt kriêge ve de inzending en selectie van ’t vastelaovendjlidje 2013 as vuuërbereî-jing van ’t Rogstaekers Lidjesfestival.

Tekstdichters en componiste kunne eur lidjes tot en mét zaoterdag 5 mei a.s. insteure.

Uut alle inzendinge selectieërtj ‘ne deskundige jury de lidjes vör ‘t festival.  ‘t Lidje det de meiste pûnte kriegtj és automatisch de vastelaovendjschlager 2013. Mét ‘t Lidjesfestival oeëpene de Rogstaekers op 11 november 2012 ’t vastelaovendjsezoên 2012-2013.

‘t Reglemênt en ‘t inschriêfformeleer vör tekstdichters en componiste kujje met ôngerstaondje leenke op hale.
‘T Ingevöldje inschriêfformeleer en ‘t meziekmateriaol motte uterlik 5 mei a.s. beej Henk Jacobs, St. Servatiusstraat 1, 6001 CB Weert waere bezörgdj.

2013 Reglemênt lidjeswedstriêd

2013 Inschriêfformeleer lidjes

Lidjesfestival 2011-2012

Op zoondig 13 november 2011 oeëpendje Vorst Jan oppe Nowwe Mêrrentj, same mét de lede van Stadsvastelaovendjvereiniging de Rogstaekers, ‘t vastelaovendj-sezoên 2011-2012. De Rog, ‘t symbool vanne Wieërter vastelaovendj, woeërt de buun op gedrage.
D’r waas zoeë wi-j vanaods weer ‘nen hoûp vôlk oppe bein um onger ’t genot van ‘n drênkske te loestere nao ‘t Lidjesfestival mét op ’t îndj de verkeezing vanne vastelaovendjschlager 2012. De zjurieëring waas in hang van de aanwieëzige minse en van ‘ne vakzjurie op lokasie in ‘n aantal Wieërter horecagelegenhede.
De Wieërter vastelaovendjschlager 2012 és gekoeëze uut 11 lidjes. De lidjes woeërte live gezoonge en begelédj doeër de Copperband Moorland. Bezeukers koste mét ’n stumkaart, same mét 5 vakjury’s op lokasie, bepaole welk lidje ging winne.
De prizzentasie waas weer in hang van Monique Meulendijks-van de Brandt en Anton Moonen. Extra optreî-jes wore d’r van Erik Fikken, Dennis Hendrikx, Harry en Joerik en de Saunaboys.
Uuteindelik waas ’t lidje Retteketèt, gezoonge doeër Mark en Willemien Fonteijn, de groeëte winnaar. Schriêver en komponist waas Peter Aquarius.

Vör de tekste vanne lidjes kliktj dan op:  TEKSTE2012
De cd mét de 4 béste lidje;  Retteketet, Mien apepékske, Smoorverleefdj en De Flierefluiter és te koûp beej oos verkoûpadresse,
mer kujje ouch downloade via:  http://www.vvderogstaekers.nl/shop/