Dâns- en Amuzemêntbâl

 
 
 

Op vriêdig 3 fibberwari ésj te doon. Klokslaag 20.30 oor vluugtj de tiêd trök inne Amsterdam-Brusselzaal van hotel Golden Tulip aanne Driesveldlaan. Op lekkere aojerwétse dânsmeziek vanne Blue Comets kujje de beinkes vanne vloer goeze.  Of ’t noow gieët um ‘ne polka, ‘ne wâls, of gae wiltj gaer ‘ne line-dance, alles és muuëgelik.Dieëze aovendj és dus bedoeldj vör joonk en aod.
Naeve de Blue Comets zulle vör uch optrei-je, Patrick Hendrikx Eric Fikken en de winnaar van de Vastelaovendjslager 2012 Mark en Wilhelmien Fonteijn bekindj van Duo WM.
’n Speciaal aangelagdje dânsvloer en ’ne gezellige zaal in Golden Tulip zulle d’r vör zörge dejje ‘ne onvergaetelike aovendj zultj hebbe. De Rogstaekerspenninge zeen heejbeej te gebroêke.
Um d’r ‘ne komplieëte aovendj van te make zeen d’r speciaal arrangemênte gemaaktj mét aete en zelfs oeëvernachte és muuëgelik, b.v. as dejje femiêlie van boetenaaf mejneemtj. Neemtj heejvör kontakt op met Golden Tulip.
Vae sloête d’n aovendj  um 12.00 oor aaf.
De entree vör dieëzen aovendj bedreugtj € 6,00 in de vuuërverkoûp en aanne kassa beej Golden Tulip € 7,50.
Kaartjes zeen te koûp beej oeës Rogstaekersverkoûppûnte:
Kiektj heejvör:  http://www.vvderogstaekers.nl/shop/