Groeëte Rogstaekersoptocht 2024

 
Waat hebbe ve genoeëte van d'n optocht van 2023. 'n Stökske korter as gewindj, mer zieëker neet minder. Völ knouwel en flawwe kûl, woeë 't met de Vastelaovendj zjuust um drej-tj.

Zoondig 11 fibberwarie 2024 ésj weer zoeë wiêt. Wis dan. 

De route és geliêk aan aafgeloupe jaor, mer mocht eur gehuuëge uch inne steek hebbe gelaote:

't Vertrek és um 13:30 oor vanaaf de opstelling aane Parallelwieëg.

De deîlnemers zette eur béste beînke vuuër vör ’t pebliek langs de Driesveldlaan, Wilhelminasingel, Kestieëlsingel en Emmasingel tot aan de ontbînging beej de Walburg.

Vuuër en tiêdes de Groeëte Rogstaekersoptocht zeen de wieëge in de binnestad van Wieërt bepêrktj bereikbaar. Alleîn de parkieërgarages aan 't Stationspleîn en beej de Port van Limburg kinne dan waere gebroêktj.

'n Oeëverzicht van de verkieërsmaotregele kujje bekieke op
de website van de gemeîndje Wieërt.

Meziek

De minse langs de kânt kunne neet alleîn geneête van de knouwel en de schoeën wages inne optocht, mer ouch mejzînge en dânse oppe meziek van de kepelle di-j verdeîldj oeëver de route staon:

Rogstaekersoptocht 2024

De deîlnemers zeen behâlve de hermenij-je verdeildj oeëver acht categori-jje en doon eur best um ein vanne hoeëfdpriêze inne wacht te sleîpe.

Det és neteurlik de Gouwe Rog vör de deîlnemer met 't hoeëgste aantal pûnte.

Zieër gewildj és ouch de Knouwelpriês vör de mieëst kolderieke deîlnemer.

En dan és d'r ouch nog de Hei-j Up Priês as aanmoediging vör degieëne, di-j vör de ieërste of twieëdje kieër mejdoon en dao as beste uutkaome.

De volledige indaeling van de optocht van 2024  vingdje onger de knop

Heej vingdje nao de bekindjmaking straks ouch de complieëte uutslaag.