Vorst oppe Troeën

Wannieër:Zaoterdig 11 november 2017
Wi-j laat:19:00 oor
Woeë ésj te doon:In ‘t Munttheater
Waat kosj ut:€ 2,50 inclusief consumptie. (De foto és gemaaktj doeër Rob Nijpels)

‘ne Schoeëne titel van ’n evenemênt woeëmej vae vuuërig jaor vör ’t ieërst ’t vastelaovendjsezoen hebbe geoeëpendj: Vorst oppe Troeën. Alleîn dit jaor wul hieël speciaal. Stan Ockers weurtj dan namelik as Vorst geïnstallieërdj. As dejje bedînktj det hae de 5e Vorst weurtj vanaaf 1926, dan és zoeë ’n gebuuërtenis zelfs ’n historisch memênt. Vae ontvânge uch gaer vanaaf 19:00 oor inne foyer van ‘t Munttheater. De installatie startj roond 20:00 oor in ’t theater. Aansloêtendj vanaaf ca. 21:00 oor ésj ’n fieëstelik Vorstebâl inne foyer um naeve ’t veêre vanne installatie ouch ’t nowwe sezoen te oeëpene. ’t Aantal zitplaatse in ’t Munttheater és bepêrktj. Daorum mojje vuuëraafgaondj ‘n kaartje bestelle beej ‘t Munttheater. Ze koste € 2,50 p.p. en dao kriêgdje dan ’n consumptie vör.


Intösse achter de rùgk. Daorum heej nog effe un trökblik mèt de ieërste Troeënrede van de vörs geïstalieërdje Vorst Stan.

2017-11-11VorstStanInstallatie023
2017-11-11VorstStanInstallatie046
2017-11-11VorstStanInstallatie037

In ut Munttheater mogt de nowwe baas vanne de Stadsvastelaovendjvereîniging in zien ieërste Troeënrede zien ongerdane towspraeke. Hae hieët daobeej de toeën gezatte en zien visitekaertje aafgegaeve.

Heej de volledige Troeënrede

Heej de beejbehuuërendje fotoalbum

Dan nog een impressie van de installatie, gemaaktj door WeertdeGekste:

 

2017-11-11VorstStanInstallatie099
2017-11-11VorstStanInstallatie126
2017-11-11VorstStanInstallatie086

En tenslotte nog 'n dânkwoeërd van Vorst Stan:

Wieërt, 13 november 2017

Leêf Rogstaekerinnekes en Rogstaekers,

Gruuëts, hinnevêl, dânkbaar.
Det zeen wuuërd woeëmej vae prebieëre te umschriêve wi-j vae de aafgeloûpe daag belaeftj hebbe.

Zoeëvöl enthousiaste minse inne zaal, zoeëvöl fillecetâsies, kaarte, bloome, kedoos en berichtjes.
Zoeëvöl wêrmdje, zoeëvöl leêfdje vör oeëze schoeëne Wieërter vastelaovendj.

Waat zeen vae Gruuëts det vae dit mej moôge make, ’t Hinnevêl stieët tot op plaatse woeëvan vae neet wiste det ze bestónge.
Mer vuuërâl Dânkbaar, det vae dit as gewoeëne Wieërter jóng en maegtje mej moôge make.

Vae wille uch dânke vör eur enthousiasme, wêrmdje en vertrawwe.

Vae bliêve nog efkes op dae wôlk roôndzweve en dan gaon vae…. Draaaan!

Laote vae same de verbînging zeûke en zörge vör de instândhaojing van oeëze Wieërter vastelaovendj en ’t Wieërtlands dialect. Laote vae gruuëts zeen en bliêve.
Laote vae op de klânke van ‘n gooj kepél, deîndânger lekker ónger de êrm neme, oeës aûge laote straole en al sjoenkelendj de tówkomst tieëgemoôt dânse.

Maaktj lôl en plezeer op ‘n nette meneêr… Laeve de Rog, Vivat oeës Wieërt!

Ouch names Charlotte,

Eure Vorst Stan

Kiektj ouch us beej

15 februari 2018

  per 17-02-2018: € 11.171,-

Stând cd-actie

Lees meer

14 februari 2018

Oftewaal: hieël völ träönkes beej abdicatie   Dit stökse schriêf ich op persuuënlikke titel en heb ich ouch as zoeëdanig op de website gezatte. De Rogstaekers haoje op ’n bepaaldje meneer neet van vaere en…

Vastelaovendj 2018: Gruuëts op Wieërt

Lees meer

21 januari 2018

Op zaoterdig 20 jannewarie 2018 és Anton Moonen geïeërdj met de hoeëgste óngerscheiding di-j Stadsvastelaovendjvereiniging de Rogstaekers hieët ingestéldj: “Commandeur in de Orde van de Rog”.  Beej zien aafscheid as Boonte Aovendj-artiest woôrt Anton aan…

Anton Moonen: Commandeur

Lees meer
Mieër noets