CD-actie van Preens Phil I vör CliniClowns


Tiêdes zien uutrooping hieët Preens Phil I zien eige 'Vastelaovendjlidje' gespuuëldj vör de aanwieëzige inne zaal van 't Munttheater.
De groeëte stroûm aan reacties hieët hem doon besloête um d'r 'n CD van uut te brînge en de opbringst daovan te donieëre aane CliniClowns. Op dieës pagina zeeje 't verluîp van dieës actie.

UitroepingPreens-Phil1080x720

Preens Phil I hieët zien zelf geschriêve ‘Vastelaovendjlidje’ mét 'ne emotionele oongertoeën ten gehuuëre gebrachtj tiêdes zien Preensuutrooping. Dit hieët tot reacties geleidj, woeëop Preens Phil I ‘t initiatief hieët genoeëme ‘t lidje op single CD uut te brînge. D’n hieële opbringst keumtj ten goede aan de stichting CliniClowns. Dieës stichting bringtj vrolijkheid en aafleiding vör wichter deej vanwege eur gezondheid ‘t vastelaovendjfieëst neet kunne veêre.

Waat ’ne gek d’r vör guftj

Of dejje ’t lidje schoeën vingtj of dejje ’t initiatief mét de CliniClowns sjiek vingtj of allebej, gae kuntj de single CD koûpe tieëge ’t bedraag dejje zelf bepaoltj. De CD hieët ’n oplaag van 5.000 ex. Schoeën vör in eur eige vastelaovendjcollectie.

Rechtstreeks donieëre CliniClowns

Bedriêve en particuliere di-j geîn behoefte hebbe aane CD en de actie kej-sjiek vînge, kunne rechtstreeks beej de CliniClowns donieëre ten bate van dieës actie. Det dooje dan via iDeal of mét creditcard en gae kriegtj neteurlik ‘n bevestiging. As bedriêve ’n factuur wille dan gaer os laote wieëte op dit e-mail adres: kommissaris@vvderogstaekers.nl. De facture waere nao de vastelaovendj versteurdj.

(Gae kintj ouch op 't logo vanne Cliniclowns drökke, dan gaoje ouch nao de pagina tow, woeë dejje kintj donieëre)

Kiektj heej nao de officiële video:

Wi-j lang luiptj de actie?

Gae zultj ’t neet geluîve, mèr dao zeen al mînse en organisaties deej vuuërdet de actie és begosj geldj hebbe towgezagdj. De actie begintj op vriêdig 26 jannewarie vanaaf 17:30 oor. Op det tiêdstip weurtj namelik de 1e CD aanne CliniClowns organisatie oeëverhandigdj. De actie eindigtj op vastelaovendjmaondjig 12 fibberwarie. Op dieënsdig 13 fibberwarie tiêdes de abdicatie saoves oppe Mêrntj zal Preens Phil I ’t îndbedraag bekîndjmake. Vae zeen dao neteurlik allemaol herstikke benoeëdj nao!

Tekst downloade

Gae kintj heej de tekst laeze, zoeëdejje straks mej kintj jânke, as Preens Phil I beej zien abdicatie op vastelaovendjdieënsdig de noeëdige träönkes stieët wègk te pînke!

 

Weem hûlptj nog mieër mej?

Zoeë ’n actie kin alleîn mèr gedaon waere as d’r organisaties zeen deej belangeloos eur mejwêrking wille verliêne. De Preens gieët naeve de verkoûppûnte dan ouch gruuëts op dieës viêf organisaties:

 

Woeë kin ich de CD kriêge?

De CD és verkriêgbaar beej de volgendje zake:
Broeëd- en Banketbakkeri-j Vries, Vrakkerstraot 18-20
Kefee ’t Kraenke, Kerkstraot 116
Kefee Tramhalt, Maasstraot 46
Cafetaria De Beemd, Beemdenstraot 4a
Cafetaria Jaco, Sint Luciastraot 20
De SooS, Mêrntj 9
Dwars Makelaars, Emmasingel 5
Faunaland Paul Meevis, Beekstraot 37
Primera Wouters, Oranjeplein 231
Cigo Van Bun, Muntpassage 7
WarenHuis-conceptstore, Beekstraot 54
XXL Security Services B.V. , Graafschap Hornelaan 116a

26-01-2018: Droûmstart vör CD-actie

Op zaoterdig 20 jannewarie hebbe de Aod Preense van de Rogstaekers al 'ne gooje aanzet gegaeve vör de actie ten bate van CliniClowns. Terwiêl Preens Phil I met 'n aantal ongerstuuëners zien initiatief nog aan 't uutwêrreke waas, steldje 't gezelschap  van Vuuërmalige Dorstlustige Hooghede al 'n donatie van € 555,55 in 't vuuëruutzicht vör dit gooje doel. En naodèt de Preens op vriêdig 26 jannewarie de iëerste cd schoeën ingepaktj haaj oeëverhandigdj aan de aanwieëzige CliniClowns-ambassadrice, wachdje hem nog 'n ongeleûfelikke verrassing. 'n Groeëte delegatie van de Brökwagters, met in hun midde Vorst Robbert, Jeugdpreenses Kim en Preens Sander, kwoeëm namelik 'n cheque oeëverhandige van

€ 1.111,11

Dao haaj Preens Phil waal 2 cd'kes vör oeëver.

 

Kiektj via dieës foto van hoêsfotograaf Adrie Hendriks nao 'n filmke gemaaktj doeër WEERTdeGEKSTE:


Mieër foto's oeëver dieës uutreiking staon inne album.



Lètste Noets:

Status Datum Sponsor Bedraag Totaal
20-01-2018 Rogstaekers Aod Preense € 556,00 € 556,00
28-01-2018 Wieger Martens Installatie Techniek € 500,00 € 1.056,00
29-01-2018 XXL Security Services BV € 250,00 € 1.306,00
31-01-2018 Paul Jacobs Fashion € 60,00 € 1.366,00
03-02-2018 Primera Wouters € 555,00 € 1.921,00
06-02-2018 CD-verkoûp Bakker Vries (1) € 340,00 € 2.261,00
06-02-2018 Gemeîndje Wieërt € 1.112,00 € 3.373,00
07-02-2018 CD-verkoûp De SooS € 549,00 € 3.922,00
07-02-2018 V.V. de Zaotmaale € 764,00 € 4.686,00
09-02-2018 Giftenbox Cafetaria De Beemd € 150,00 € 4.836,00
09-02-2018 V.V. de Beesterbolle € 705,00 € 5.541,00
10-02-2018 CD-verkoûp WarenHuis-conceptstore € 122,00 € 5.663,00
11-02-2018 Pinkes-verkoûp Lambieck Knoup Wieërt € 333,00 € 5.996,00
11-02-2018 VV De Vêrkusköp € 888,00 € 6.884,00
13-02-2018 CD-verkoûp Dierspecialist Paul Meevis € 240,00 € 7.124,00
13-02-2018 CD-verkoûp Bakker Vries (2) € 270,00 € 7.394,00
13-02-2018 CD-verkoûp Cigo van Bun € 382,00 € 7.776,00
13-02-2018 CD-verkoûp Primera Wouters € 75,00 € 7.851,00
13-02-2018 Diverse anoniem € 20,00 € 7.871,00
13-02-2018 Cafétaria De Beemd (2) € 38,00 € 7.909,00
13-02-2018 CD-verkoûp Cafétaria Jaco € 226,00 € 8.135,00
13-02-2018 CD-verkoûp Café Tramhalt € 199,00 € 8.334,00
13-02-2018 Wichter van Moerepetazie in optocht € 132,00 € 8.466,00
14-02-2018 Desiree en Anoniem € 25,00 € 8.491,00
14-02-2018 Teerp Taslech (!) € 999,00 € 9.490,00
15-02-2018 CD-verkoûp Dwars Makelaars € 211,00 € 9.701,00
15-02-2018 V.V. de Brökwagters € 1.113,00 € 10.814,00
15-02-2018 Anoniem + Theo Sijben € 11,00 € 10.825,00
15-02-2018 C.V. de Heiknuiters € 133,00 € 10.958,00
17-02-2018 Evienne Peeters € 54,00 € 11.012,00
17-02-2018 Teerp Taslech (!) € 99,00 € 11.111,00
17-02-2018 John Smeets € 30,00 € 11.141,00
17-02-2018 Fam. Verstappen-Smeets € 30,00 € 11.171,00

NB!: Regels, woeë beej Status 'n ☑ stieët, zeen ouch verwêrktj oppe site van de CliniClowns!