Gouwe Rog

VV Eîne Gaos

Vae kunne op Camp

VV De Hêldje op zök

Stedelijke Harmonie St.Antonius

Winnaar van de Gouwe Rog es:  VV Eîne Gaos met eur motto “Gae kuntj d’r neet tieëgenop”.

De Knouwelpriês es gewonne doeër: Vae kunne op Camp met ‘t motto “Bitje Mollig”.

De Hei-j Up priês es vör: VV De Hêldje op zök met motto “Achterstevuuëre”.

De Hermeni-jpriês es vör: Stedelijke Harmonie St.Antonius

In tieëgestélling tot vuuërgaondje jaore és dit evenemênt dit jaor neet allein in de Brouwer en Timoz, mer same mét de Stichting Oelemarkt Promotion en V.V.  de Rogstaekers weurtj op d’n Oelemêrrentj e groeët Vastelaovendjfieëst georganizieërdj. ‘n “Boetezitting” dus (net as in Sitterd en Remundj).
Op ‘t programma staon bekindje Wieërter- en regionaal artieste, zoeë as Ed & Frans, Harry Zelluf (v.d. de Gebroeëke Zwiêgelkes), Willemien en Mark Fonteijn, de bands Steliot, Holle Klot (aafgeloupe waekindj nog te zeen op ’t Wiepkesbâl) en 3 of Us.
Doelgroep zeen de scholiere/studênte uut de regio Wieërt /Ni-jwieërt / Cranendonck. ‘t Fieëst és ouch towgânkelik vör aod-lieërlinge en ânger leefhebbers mét e groeët vastelaovendjhert.
De kaartverkoup luiptj via de drej Wieërter middelbaar schoeële en daelnemendje horecagelegenhede aan d’n Oelemêrrentj. Aanne port oppe Oelemêrrentj zeen vriêdig zelf ouch nog kaartjes te koup.

Port oeëpe: 15.00 oor
Begîn programma: 15.30 oor
Aafsloêting programma: 22.00 oor
Entree: € 2,- (+ ID-kaart)
Fietsestalling op ‘t Kestieëlplein (Gratis tot 19.00 oor)

Dus…maf vanne vastelaovendj? Dan moogdje neet ontbraeke!

Det vastelaovendjfieëst op ‘t boetepodium aanne Bassin begintj aansloêtendj aan d’n optocht en deurtj van 16.30 oor tot ca. 19.30 oor. E paar name van artieste op ‘t ‘Super Vastelaovendjfieëst’: Harry (van de Gebroeëke Zwiêgelkes), Joss Mennen & Vreende, Ronald & Carien, Thon Wolter, Ed & Frans en de Sauna Boys.

Uutzendtiêde NOS en L1
De NOS zal van 17.00 tot 19.00 oor op Nederland 2 live verslaâg doon van ‘t vastelaovendjfieëst. De prizzentatie és in hang van Rozemarijn Moggré (presentatrice van ‘t NOS Jeugdjournaal) en Tom Doesborg (prizzentator L1). De Limburgse zender L1 zendj dezelfdje zoondigaovendj al ‘n samevatting vanne Wieërter optocht uut van 21.00-22.00 oor. Op maondjig 20 fibberwari zendj L1 de optocht twieë kieër in zie gehieël uut, um 14.00 oor en nog ‘s um 23.00 oor. Daobeej weur’t  commentaar verzörgdj doeër Robert Janssen (van L1) en Wieërtenaar Dorus van den Bosch.

Groeëte optocht
D’n optocht van Wieërt weurtj aangeprieëze as de schoeënste en groeëtste optocht van Limburg. Mét bekans 100 daelnemendje groepe, koppels, einlinge, de schoeënste praalwages uut Limburg tréktj d’n optocht vanaaf 13.30 oor doeër de binnestad. De Rogstaekersoptocht stieët bekindj als ‘ne verzörgde, kleurige stoet dae de noeëdige humor op straot bringtj. Vörâl de kleiner groepe, koppels en einlinge brînge dék e stökske straottheater. De route gieët oeëver de Driesveldlaan – Wilhelminasingel – Bassin (camerastandpûnt NOS/L1) – Kasteelsingel en Emmasingel.

Mieër informatie oeëver d’n optocht en ‘t vastelaovendjfieëst és te vînge oppe website vanne Rogstaekers: www.vvderogstaekers.nl

Bassin daels aafgesloeëte
Vanwieëge de op- en aafbouw van ‘t vastelaovendjfieëst és de Bassin van zaoterdagmiddig (nao de waekmêrrentj) tot maondjigmêrge roond 12.00 oor gedaeldjelik afgesloeëte. Det beteîkentj det verkieër waal de stad uut kân via de Bassin, mer neet de stad in (route Eindhovenseweg-Bassin-Wilhelminasingel neet muuëgelik). Me kân waal de stad in via de route Eindhovensewieëg-Kasteelsingel.

In ’t paviljoen van V.V. de Rogstaekers aan de Penitentenstraot es maondjigaovendj ’t booregezelschap, met as straolendj middelpûnt ’t broêdspaar, bekindj gemaaktj.
Stadspreens Stan I en “daeke” Erik Fikken verbônge  Anja Giebels, lid van de Kauvers en echte Vastelaovendjveerder  Mark Seerden  in ’t onecht tot mân en vraw.
As getuûge van de broêdegom kwoom kasteleinszoeën (Stammeneeke) John Geelen tevuuërschien en getuûge vanne broêd woor Nicole Meusen, grimeuse beej de Boonte Aovendj.
De gruuëtse aojers van de broêdegom woore Theu en Marga van Meijl. Theu es al jaorelânk optochtbegeleider. Al aeve gruuëts woore de aojers vanne broêd Harry en Els Gielissen van de Hermeni-j Vannix.
Um klokslaag 12 oor ’s nachts vong de flits echtscheiding plaats. Bekindj es det ’t broêdspaar waal as vreênde uuttrein es gegânge.

De adjedânte van Preens Stan I.
Foto ônger v.l.n.r.: Nicole Moonen, Hans-Dieter Fischer, Nicky Linskens,  Jasper Bokken, Preens Stan I, Nicole Ockers, Rudi Veltrop, Sharon Looijen, Roy Ockers en Lenny Haanen.
Mieër foto’s staon in de fotoalbum.