Jeugd

Speech Kick II

Op zoondig 15 jannewari és Kick II uutgeroope as Rogstaekers Jeugdpreens 2012. Hae haaj ’ne  geweldjige speech en dae wille ve uch neet onthaoje.

“Leef Rogstaekers en Rogstaekerinnekes

Ich staon de shake op mien bein en tieëgeliêkertiêd bin kei-j bli-j en gruuëts det ze mich gevraogdj hebbe um uch vuuër te gaon inne wichtervastelaovendj.
Ich bin eure nôwwe Rogstaekers Jeugdpreens 2012  Kick de 2e
Jao ich bin de 2e , want presies 50 jaor gelieëje woor d’r nog ‘nne Jeugdpreens Kick. Det haajdjae ouch neet gedachtj hè, mer det es lang gelieëje.

Ich zal us ieërst wat oeëver mich zellef vertelle.
Ich bin Kick Jacobs en jao huuër ich heb lekker 2 Preensepaliêse, ich woeën namelik inne Heilige Buurt beej mien pap en ouch oppe Graasweenkel  beej mien Mam en det preensepalies kije koupe.
Ich zal ze effekes aan uch vuuërstelle, kotj d’r mer beej allemaol.

Oeës pap es Henk Jacobs, in 1977 zellef Jeugdpreens, en ‘nne zoeën van Neer van Teune-Pier en van Mia Stuuëte, de wielrennersfemilie.
Mien mam hetj Iris van der Zanden, Boonte Aovendj artiest, en ‘n dochter van Henk van der Zanden en Toska Martens.
Det zeen Braobanders, mer di-j zeen ouch best gezellig want di-j heb ich de lèste jaore al hieël wat oeëver de vastelaovendj beejgelieërdj.
Dan zeejje heej di-j knappe blonde dame staon, des mien zöster Sam. Zeuj kân ouch gein nog kriêge vanne vastelaovendj.
Dan hieët mien mam ‘nne vreend det es Erik Vugs en hae hieet ‘nne slûmme zoeën Joris.
Mer miene beste kammeraod vanne femilie es miene hoónd Storm en dae stel ich now ouch aan uch vuuër.

Ouch heb ich ‘n aantal hobby’s zoeë-as  meziek drejje op miene dj set, voetballe beej de Moêsdiêk, boeëte spuuële mét vreende  en neteurlik nao schoeël gaon en hoeëswêrk maake. Nein grepke, want schoeël en hoeëswêrk ving ich, waarschienluk net as uch, echt kei-j saai.
Ich zit op basisschoeël  Aan de Bron beej ‘nne te gekke meister Jo, juffrouw Lilian en Miriam. Zeuj wille det ich wat serieuzer waer, daorum heb ich ’n vriendinneke….
Mien vriendinneke hetj Dewi Kolliadimas en es Vorstin vanne Schäöpkes en haaj vanmiddig zellef ’n program, angers haajdje ze zellef al kunne zeen.
3 Keij-j gooj vreende van mich zeen mien adjedânte en vae gaon dur same ‘nne knallendje wichtervastelaovendj van make:

* Ramon de Wilde
* Don Gelissen
* Emma Dams

Neteurlik heb ich ouch een orde en dieës hieët te make mét mien hobby as DJ en umdet ich ouch e bitje bescheije bin: mien orde es deej vanne Kwânte Dj.

Dies ongerscheijjing wil ich as ieërste  uutreike aan miene fantastische vuuërganger
Justin Thomassen!!!

Ich wil ouch mien Pap, Mam, Sam, Erik en Joris ongerschei-jje in mien orde van de Kwante DJ

Zoeë metein gaef ich ut woeërd aan Vorst Jan mer neet vuuërdet ich miene
ieërste dreij maol Wieërt alaaf uutbringe oppe nôwwe Jeugdvorst en zien Jeugdraod van 11 en vuuëral op uch en oppe Wieërter Wichtervastelaovendj:
Op uch en de Wieerter Wichter Vastelaovendj ‘nne drej maol
Wieert……….., pebliek: Alaaf
Wieert……….., pebliek: Alaaf
Wieert……….., pebliek: Alaaf

Dan wil ich now echt aafsloeete onger mien devies:

VAE GAON ‘T DIT JAOR FLIKKE,
MET VASTELAOVENDJ WEURDJ ‘T KICKE!!!!!!!!!!

Vorst Jan aan uch ’t woeërd, tenminste as dejje nao mich nog wat kwiêt wiltj.”