Same bawwe

Same bawwe vör de Wichteroptocht

Nao ‘t groeëte suukses van vuuërgaondje jaore wille De Rogstaekers ouch dit jaor de wichter van de basisschoeële de 
muuëgelikheid gaeve um, oonger deskundige  leî-jing, same te bawwe aan ’n kreasie vör de Wichteroptocht
De wichter zeen van herte welkom in de Rogstaekershal um ideeje op te doon, te tummere, plekke, vêrve of waat dan ouch.

Op goonsdig 18 en 25 jannewari en 1 en 8 fibberwari wuuërtj d’r gebawdj vanaaf 14.00 oor wes rôntelum 16.00 oor

Mét begeleî-jing van Jan van Riet en Kitty Scheijmans, twieë kreatief minse, kujje dao eur eige kerke of kop make. Vör materiaol, ’n drênkske en snuîk zulle vae zörge.

Aangezeen vae mer 20 wichter kunne laote, mojje uch vuuëraaf opgaeve beej:  info@rogstaekers.nl
De Rogstaekershal ligktj aanne Stekshofwieëg (achter de aoj milieustraot) en ’t tillefoonnummer vanne hal és 547152.De Rogstaekers vînge ’t geweldjig as dejje mét eur eige gemaakdje kreasie mej gaotj doon aan de Wichteroptocht van maondjig 20 fibberwari.  Inschriêfformeleere vör de optocht kujje binnekort kriêge beej de VVV/ANWB aanne Maasstraot 18.