Vriêdigaovendj 21 jannewari zeen vuuëraafgaondj aan de Boonte Aovendj doeër Preens Marcel 1e zien adjedânte aan ’t 
publiek geprizzentieërdj.
Zjuust wi-j ’t devies van oeëze Preens “Vastelaovendj haodj uch vast, vae hale alles uut de kast” kwome ouch de adjedânte uut de kast.
As ieërste kwoom nao vuuëre Pierre Linssen, Pierre és getrawdj met Leoni en hebbe same twieë wichter, Bo & Gijs. As twieëdje kwoom te vuuërschiên Bert van Dijk en Bert és getrawdj met Marlies. De dérdje adjedânt dae uut de kast kwoom waas Tjeu Keyers.
Alledréj zeen ’t gezwore kammeräöj van oeëze Preens Marcel en same met eur dames wille ze d’r ‘ne gewêldjige vastelaovendj van gaon make
