Wieërt kriegtj ‘Walk of Fame’ van Aod-Preense

12 november 2011

D’r keumtj ’n unieke kultureel wandelroute, ‘ne ‘Walk of Fame’, inne binnestad van Wieërt tot stând. Dit gebuuërtj op initiatief van bekans 70

aod-Rogstaekerspreense. Inne Wieërter wînkelstraote waere tegels van cortenstaal gelagdj. Heej-in stieët ‘n aafbieëldjing vanne Rog, de naam van ‘ne aod-(jeugd)preens, ‘t jaortâl en e ederskieër wisselendj ontwêrp. Dit ôntwerp weurtj doeër lieërlinge van ‘n basisschoeël gemaaktj. Ouch brînge de initiatiefnemers ‘ne digitale gids uut dae uutlégk geuftj oeëver de wandelroute.

Mer det neet allein: d’r waere ouch allerlej wieëtenswaardighede van e bepaoldj jaor onger de aandacht gebrachtj van de wandelaar. Det kân bevuuërbieëldj gaon oeëver ’t vastelaovendjlidje van e bepaoldj jaor of ‘t devies van de vastelaovendjpreens. Ouch bezûndjer gebuuërtenisse, zoeë as ‘t bezeuk van de Kuuëninklike femiêlie aan Wieërt in 2011. Inne gids és ouch aandacht vör ‘t kulterieël erfgood langs de route of dao boete.

De ‘Walk of Fame’ és onger ângere muuëgelik gemaaktj doeër ’n unieke samewêrking van  Aod-Preense, Rick, De Rogstaekers, Gemeindje Wieërt en Wonen Limburg. Now daelnemers zeen van herte welkom!

Neet toevallig és op vriêdag 11-11-11 om 11.11 oor oppe Mêrrentj beej ‘t Rogstaekersbieëldj de aaftrap gegaeve van de ‘Walk of Fame’ doeër de Rogstaekerspreense 2011 Marcel I en Justin I. Ze lagte de ieërste model-tegel mét hölp van lieërlinge van OBS de Graaswinkel. Dieës schoeël gieët aanne slaâg um ‘t ontwêrp vör de ieërste tegels te make.

Vör mieër informasie kujje  kontakt opneme met:

 

Aod-Preense

Ronald van Andel (06 – 46 14 23 90) of Geert van Helmond (06 – 51 57 70 99)

 

Rick

Mirjam Severijns (06 – 21 58 88 72)

 

Wonen Limburg, kantoor Weert

Koos Neijnens (06 – 53 80 13 03)

Kiektj ouch oppe site van de Oud Preense

Kiektj ouch us beej:

10 maart 2022

Dit jaor hieët V.V. de Rogstaekers, same met înkel kepélle, ’n aantal minse in ’t zönneke moôge zétte. Um verschillendje rieëje kriêge dieës minse inne aanloup nao de vastelaovendj van 2022 ’n bezeûkske van ‘n…

Serenades, Óngerscheidinge en Bloôme

Lees meer

25 februari 2022

Op dieënsdig 1 mieërt zal Jeugdpreens Sjoerd I d’r toch echt aan mótte geluive. Naodet hieël wat hermeniekes en kepelle ’s middigs ongetwiêfeldj vör de noeëdige meziek hebbe gezörgdj és ’t um 19:11 oor zoeë…

Dieënsdig 1 mieërt: Abdicatie

Lees meer

17 februari 2022

Op maondjig 28 fibberwarie  tréktj d’r nao twieë jaor wieër ‘ne Wichteroptocht doeër de Wieërter binnestad. Vae roôpe alle Wieërter wichter op um nao de stad te kaome en mej te trékke in ‘ne boonte…

Maondjig 28-02: Wichteroptocht in binnestad

Lees meer
Mieër noets