Jeugdpreens 2012 – Kick II

15 januari 2012

Op de Boonte Femilie Middig van zoondig 15 jannewari és tot Rogstaekers Jeugdpreens uutgerope Kick II Jacobs. Jeugdpreens Kick és 11 jaor en ‘ne zoeën van Henk Jacobs en Iris van der Zanden. Oeëze Jeugdpreens hieët 2 Preensepaliêse. Hae woeëntj beej zien mooder oppe Graaswînkel en ouch inne Heilige Buurt beej zien vaader. Hae hieët ouch nog ’n aojer zöster Sam. Ziene béste kammeräöd és ziene hoond Storm.
Ziene Pap és in 1977 zêlf Jeugdpreens gewaesj dus ’t veere van de vastelaovendj hieët hae neet van ‘ne vrieëmdje. ’t Vuuërig jaor waas oeëze Jeugdpreens sirremoniemeister van de Jeugdraod beej de Rogstaekers. Hobbies hieët oeëze Jeugdpreens ouch, ein van zien groeëtste hobbie és meziek drejje op ziene DeeJee set, verder és hae regalmaotig te vînge op ’t voetbalterrein van de Moêsdieëk en spuuëltj hae gaer mét vreende boete op straot. Naoteurlik zitj Jeugdpreens Kick II ouch nog op schoeël en waal op de Basisschoeël Aan de Bron beej Juffraw Lilian & Miriam en meister Jo. Hoêswêrk make és neet zien favoriete bieëzigheid.

Umdét oeëze Jeugdpreens ’n bitje beschei-je és en hieëlemaol gek és van meziek drejje, hieët hae ingesteldj de “Orde van de Kwânte DJ”

Dit jaor zal Jeugdpreens Kick II d’r same mét zien adjedânte, Don Gelissen, Emma Dams en Ramon de Wilde d’r ‘ne knallendje vastelaovendj van make onger zien devies:

Vae gaon ’t dit jaor flikke, mét vastelaovendj weurdj ’t Kicke!!!!!!

 Vör mieër noets kiektj dan op:  http://www.vvderogstaekers.nl/jeugd/jeugdpreens/

Kiektj ouch us beej:

10 maart 2022

Dit jaor hieët V.V. de Rogstaekers, same met înkel kepélle, ’n aantal minse in ’t zönneke moôge zétte. Um verschillendje rieëje kriêge dieës minse inne aanloup nao de vastelaovendj van 2022 ’n bezeûkske van ‘n…

Serenades, Óngerscheidinge en Bloôme

Lees meer

25 februari 2022

Op dieënsdig 1 mieërt zal Jeugdpreens Sjoerd I d’r toch echt aan mótte geluive. Naodet hieël wat hermeniekes en kepelle ’s middigs ongetwiêfeldj vör de noeëdige meziek hebbe gezörgdj és ’t um 19:11 oor zoeë…

Dieënsdig 1 mieërt: Abdicatie

Lees meer

17 februari 2022

Op maondjig 28 fibberwarie  tréktj d’r nao twieë jaor wieër ‘ne Wichteroptocht doeër de Wieërter binnestad. Vae roôpe alle Wieërter wichter op um nao de stad te kaome en mej te trékke in ‘ne boonte…

Maondjig 28-02: Wichteroptocht in binnestad

Lees meer
Mieër noets