 |
 |
 |
Mieërjaore kontrakt
‘t Munttheater, Hostellerie Munten en VV de Rogstaekers hebbe vör 2012 eur gooj vuuërnemes al konkreet gemaaktj. Maondjigmiddig 2 jannewari, nao aafloûp van de sluuëteloeëverdracht doeër directrice Brigitte van Eck aan Vorst Jan vanne Rogstaekers és ‘n 3-jaorige oeëvereinkomst geteîkendj.
Mét champagne és d’r getoasj oppe series Boonte Aovendje en Boonte Femiêliemiddige di-j de kaomendje 3 jaor oppe plênk van ’t Munttheater waere opgeveurdj.
Doeër dieës sluuëteloeëverdracht és ’t Munttheater tot en mét zoondig 21 jannewari weer umgeduîptj tot ’t Rogstaekers Peliês . De entree en de foyer zulle de kaomendje daag ’n metamorfose kriêge. Körstsfeer weurtj Boonte Rogstaekerssfeer. De kaartverkoûp vanne Boonte Aovendje blieftj gewoeën doeërgaon via de website en de kassa van ‘t theater. Dit jaor zal Weert TV weer live vanuut ‘t theater verslaâg doon vanne uutrooping van de Preens, mét vuuëraafgaondj e volledig aovendjvöllendj tillevisieprogramma.
Oppe foto’s:
Vorst Jan kriegtj de sluuëtel van ‘t theater van directrice Brigitte van Eck.
Vorst Jan, directrice Brigitte van Eck en Richard Munten toaste oppe ongerteîkening van ’t kontrakt.
