Rogstaekers Lidjesfestival 2012

08-04-2012
 
 
De 1, 2 en 3 van ’t lidjesfestival 2011.Mark en Willemien Fonteijn, Patrick Hendrix en Roel Broods.

‘T  Startsignaal vör ‘t now vastelaovendjsezoên 2012-2013 és weer gegaeve.

As ieërste aktiepûnt kriêge ve de inzending en selectie van ’t vastelaovendjlidje 2013 as vuuërbereî-jing van ’t Rogstaekers Lidjesfestival.

Op zoondag 11 november 2012 waere d’r op ‘t Lidjesfestival maximaal 11 lidjes ten gehuuëre gebrachtj en live begelédj door de Copperband Moorland.
Tekstdichters en componiste kunne eur lidjes tot en mét zaoterdag 5 mei a.s. insteure.

Uut alle inzendinge selectieërtj ‘ne deskundige jury maximaal 11 lidjes vör ‘t festival. Beej ‘t lidjesfestival bepale jury’s op lokasie en ‘t publiek d’n uutslaâg van ’t festival. De veer béste lidjes waere oppe Rogstaekers CD 2013 gezatte. ‘t Lidje det de meiste pûnte kriegtj és automatisch de vastelaovendjschlager 2013.
Mét dit Lidjesfestival oeëpene de Rogstaekers op 11 november 2012 ’t vastelaovendjsezoên 2012-2013 op Nowwe Merrêntj in Wieërt, Det begintj um twieë oor smiddes.

‘T Reglemênt en ‘t inschriêfformeleer vör tekstdichters en componiste zeen op te hale via de https://www.vvderogstaekers.nl/aktiviteite/opening-lidjes/
‘T t Ingevöldje inschriêfformeleer en ‘t meziekmateriaol motte uterlik 5 mei a.s. beej Henk Jacobs, St. Servatiusstraat 1, 6001 CB Weert waere bezörgdj.