Aan alle optochtvereîniginge van Wieërt en umgaeving.

Met de 11e van de 11e es ’t now vastelaovendjsesoen weer begostj.
Op zoondig 10 fibberwari 2013 zal eûre vastelaovendjoptocht wieër oeëver de Wieërter singels trekke.

Oppe site kujje ’t formelieër downlaode     woeëmejje uch kuntj inschriêve.
Beej ‘t optochtformelieër vingdje  de regels di-j vör daelname aan dieëze optocht van tówpassing zeen.
Aan dieës regels zal streng de hând gehaoje waere. Um di-j rieëje mót ’t inschriêfformelieër ouch doeër 2 persoeëne ongerteîkendj waere.
Mócht bi-j uch twiêfel bestaon oeëver ’t voldoon aan criteria uut dit reglemênt, neemtj dan kontakt mét os op. Frans Driessens, tillefoon 533437

Létj op!
De léste daag dejje kuntj inschriêve és 10 jannewari 2013. Gae kuntj dan nog ’t inschrieëfformelieër tösse 20:30 en 21:30 oor aafgaeve aan de uutbalie van ’t Munttheater, zétj det dus good in eure agenda.
Gae kuntj eur inschriêving ouch digitaal aanlevere gaer met ‘ne korte uutlégk van eur motto op miên e-mailadres  frans-driessens@planet.nl.
De uutlégk van eur motto steûre vae doeër nao de zjurielede en optochtspraekers, zoeëdet di-j zich al ’n bitje kunne vuuërbereî-je.
In verbând met ’t programmabukske waat vae ouch dit jaor uutgaeve, zeen mottoverângeringe nog mer muuëgelik tot 16 jannewari, wildje ze good in ‘t bukske kriêge.

Ouch dit jaor verwachte vae van uch weer ‘ne schoeëne optocht met kwaliteît en humor.
Vae weense Uch völ plezeer bi-j ‘t bawwe, plekke, verve en pekskes make.