Rogstaekers Jeugdpreens 2014

19-01-2014
Bron: Loes Mennen Fotografie
 

Rick van Lierop uutgerope tot Rogstaekers Jeugdpreens 2014 –  

In ’n good gevöldj Munttheater és zoondig 19 jannewari nao aafloûp van de Boonte Femilie Middig uutgerope tot nówwe Rogstaekers Jeugdpreens Rick 1e van Lierop. Jeugdpreens Rick és 11 jaor aod en zitj in groep 8 van OBS de Uitkijktoren beej meister Frank en juffraw Linda.  Oeëze körsvörse Jeugdpreens és ‘ne zoeën van Ron van Lierop en Susan Hermans en hieët nog ’n zöster van 15 jaor met de naam Linda, ’t gezin woeëntj op Gebroek 2, op Bosseve.

Eîn van de groeëtste hobbies van oeëze Jeugdpreens és baketballe in de U12-1 van BSW Weert, mer leefst twieë kieër in de waek stieët hae met dit team op ’t trainingsvéldj. Uuteraard és Jeugdpreens Rick 1e ouch gaer boete um te kuite en te spuuële met zien vrînde, ’n anger hobbie van Rick és spuuële op de Wii.   As ‘ne geboeëre Brökwagter és vastelaovendj veere vör oeëze Jeugdpreens neet vrieëmdj, van kleîns aaf aan most hae op zoondig nao de stad um de optocht te gaon bekieke en op maondjig nao de wichteroptocht met aansloetendj de hosmiddig in de tênt. Dit jaor kiekt hae uut um ’t nów ’s van hieël kort beej te mooge make.

Vanaaf det Jeugdpreens Rick zien haor most laote knippe dreugtje ’n kuufke, daonaeve maaktje völ plezeer en kân ederein met ‘m lache. De orde di-j Jeugdpreens Rick hieët ingesteldj és dan ouch:

                             De Orde van “Ut lachendj Kuufke”.

Dit jaor zal Jeugdpreens Rick 1e de Wieërter Wichtervastelaovendj vvuuërgaon onger zien devies:

            “Met ‘ne drej maol Wieërt Alaaf in koeër, dribbel ich de vastelaovendj doeër!!!”

 

Leenk nao de Jeugdpreense pagina