Orde van ‘t Kammeräödje vör Anny Jongen

26 december 2014

Anny 027-PR

 Op de Boonte Aovendj van donderdig 15 jannewari zal doeër Vorst Jan de “Orde van ’t Kammeräödje” uutgereiktj waere aan Anny Jongen.

Anny és al vanaaf 1983 betrokke beej de Wieërter Rogstaekers vastelaovendj. ’t Ieërste jaor as vraw van oeëze toenmalige Preens Ad en vanaaf 1984 ’t momênt det Ad de gelederen binne de Rogstaekers kwoom verstêrke woor ’t Anny det neet alleîn Ad ongerstuuëndje mer zieëker ouch de hieël Rogstaekersvereiniging.
Anny és de groeëte schakel beej oeës damus “De Täötebelle”, regeltj en neemtj de initiatieve van dieëze groep op zich, neet allein met ’t sikkertariële wêrk mer zieëker ouch mét ’t same d’r op uut trekke. Verder és ’t Anny, waat same mét nog înkel damus ’n groeët gedaeldje van de kleî-jer beej dieëze groep op zich neemtj, neet allein mét ‘t ontwêrp mer ouch mét de uutveuring heejvan.

’t Verzörge van de klei-jer van de Jeugdraod és alweer ’n hieël aantal jaore eîn van de take di-j Anny op zich hieët genoeëme, van verstelwêrk tot ’t make van nów bokse, dao drejtj ’t zien hând neet vör um. Kontrolieërtj of oeës Rogstaekersjeugd d’r netjes beej luiptj en zörgtj d’r vör det nao aafloup van ’t sezoen ouch weer alles netjes trök keumptj. Slutj de kleî-jer thoês op en maaktj alles weer klaor vör ’t nów sezoen.
Naeve de Jeugdraod eé Anny ouch eder jaor betrokke beej oeës Preense waat ’t aangieët van de klei-jing, in ’t groeëtste geheim zörgtj Anny det oeës preense in eder gevâl ’n good zittendj en op maot gemaaktj pak cq pékske hebbe. Ouch de vereinigingslede hebbe heej profiêt van, Anny es altieëd in de buurt as d’r weer ‘s ‘ne knoûp van ’t pak aafvluugtj of eme de vereinigingssteek oeëver de oeëre véltj.
Naeve al dit kleî-jerwêrk deût Anny nog zoeëvöl mieër as ongerstuuëning, van tekste kontrolieëre vör de vastelaovendjgezet tot hând en spandeenste verrichte dao woeë noeëdig és. Altieëd stieët Anny vör os klaor, neîn zegke stieët neet in zien woeërdebook.
Boete dit alles és Anny ouch nog ‘s ’n vuuërtreffelikke gastvraw. Beej beejeinkomste of vergaderingen van Rogstaekers beej oeëze Kanseleer Ad aan hoês (en di-j zeen d’r nogal wat) stieët de koffie met ’n drénkske en hépke altieëd klaor.
De orde van ‘t “Kammeräödje” weurdj slechts eine kieër per jaor uutgereiktj en zal ten deil valle aan ‘ne persoeën of groep di-j zich op de achtergroond op ‘n bezundjer meneer inzette vör de Rogstaekers en de Wieërter Vastelaovendj. Dit alles same maaktj ‘t dét Annie Jongen mét recht ‘n “Kammeräödje” van de Wieërter Rogstaekersvastelaovendj geneumdj moog waere.

 

Kiektj ouch us beej:

11 april 2021

V.V. de Rogstaekers deut mej aan de Regio Loterij Weert   Beej de Regio Loterij Weert gieët de opbrîngst nao vereîniginge en organisaties in Wieërt en directe umgaeving. Doeër ’n loeët te koupe stuuëndje dieës…

Rogstaekers doon mej mét Regio Loterij

Lees meer

17 februari 2021

“Gy lompe Weertenaers weet gewis, dat dit heden was mynen vis”. Mét di-j wuuërd eindigtj de Rogstaekerslegende, woeë-aan de Wieërtenare eure beejnaam te dânke hebbe. Det de rog en Wieërt onlosmakelik mét elkaar zeen verbônge…

Ludieke sponsoractie van Sligro Wieërt

Lees meer

23 december 2020

Gruuëts prizzentieëre vae uch, in samewêrking met De Meijboom Kleding en kado atelier, oeës merchandisecollectie.   D’r zeen allerli-j artikele, wi-j slabbertjes en T-shirts, mer ouch raamstickers en zelfs môndkepkes mét ‘t logo van ‘t…

Wînkelwaar (merchandise)

Lees meer
Mieër noets