Aangepasje opzet Lindeboom Slaag um de Mêrrentj

19-01-2015
 2014-SlaagumdeMerrentj-ECF 134
2014-SlaagumdeMerrentj-ECF 123
2014-SlaagumdeMerrentj-ECF 115

De Lindeboom Slaag um de Mêrrentj es dit jaor wat ângers van opzet. Mer laote vae beginne met dét waat ‘tzelfdje gebliêve és.

Knauwelgezelschappe, Zaate  Hermeniekes en Joekskepelle zeen op dieënsdig 17 fibberwari van hérte welkom. De mé-jwêrkendje lokale tapperi-jje zulle um 13.00 oore zörge vör ‘ne stiêvige hap en um 14.00 oore startj “DE SLAAG” oppe Mêrrentj.
De knauwelgezelschappe prizzentieëre zich gewoeën beej de Gotcha.

Mér waat verângerdj d’r dan?

De kompetisie van Zaate Hermeniekes en Joekskepelle oppe Mêrrentj laote vae vör waat ’t és.
Van de kepêlle di-j zich aanmelde kriêge 6 kepêlle de gelaegenheid um zich oppe Mêrrentj op ’t podium te prizzentieëre en de rest vanne kepelle kriêgtj de binnestad en de Wieërter kefees as tenieël.
Alle Joekskepelle en Zaate Hermienekes kunne zich  waal inschriêve en kriêge op ’t lést vanne daag beej de “grand finale” ’n herinneringsmedâlie as blievendje herinnering.
Naeve de 6 kepelle prizzentieërtj zich ’n rits van Wieërteren regionale artieste op ’t podium oppe Mêrrentj. Haotj de media inne gate vör ’t programma!!!
De prizzentasie és in hang van Piraat Geert van Helmond en Linde Boom zelf.
De traditioneel artiestekêrresjel van Wieërter artieste di-j optraeje beej de lokale kefees blieftj.

Zörregtj in eder gevâl dejje d’r beej zeetj op Vastelaovendj dieënsdig 17 fibberwari vanaaf 14.00 oore!!!