Rogstaekerspreens 2016, Lars 1e uutgerope

9 januari 2016

049

Foto: Loes Mennen Fotografie

 377 Medaalie Preens-Lars- 2016

Zaoterdig 9 jannewari es aansloêtend aan de Gala Boonte Aovend in ‘t Munttheater tot Stadspreens van Wieërt uitgerope, Lars 1e Lambers. De nówwe Preens és ‘ne zoeën van Leike en Marian Lambers – Freulich. De körsvörse Preens woeënt nog thoês op de Daenenstraot 4 in Wieërt. Preens Lars hieët ’n relâsie met Noortje Levels uut ’t riêk van de “Kwakkert”. (Heytse) Same hebbe ze d’r ontiêgelik völ zin in um dit Preensschap te gaon belaeve.

Preens Lars 1e (28) is geîne onbekindje in ‘t vastelaovendjwêrreldje, in 1999 Jeugdpreens gewaesj beej de Brökwagters en in 2010 uitgerope tot Boorebroêdegom op Bosseve. Beej de Rogstaekers hieët Preens Lars înkel jaore mejgedaon in de Boonte Aovendje.

Prizzentâsies verzörge és de Preens zien groeëte hobbie, beej Rog Tillevisie prizzentieërdje hae met völ plezeer de programma’s “Wi-j gieët ’t nog met” en ‘t raoje nao de nówwe Stadspreens “Weem weurtj ‘t”. Verder deût hae de prizzentâsie beej ‘t Wieërter Vastelaovendj Lidjesfestival en beej WTV ‘t Preensetreffe.

Nao zien lieëger en middelbare schoeëltiêd és Preens Lars gaon studieëre aan de Universiteit van Mestreech en Utrecht woeë hae sins kort zien studie rechten met good rizzultaot hieët aafgerond. Vanaaf begîn 2015 és oeëze Preens same met ‘ne kammeräöd de uitbater van Kefee Don Bosco.

De Orde di-j Preens Lars 1e hieët ingesteldj, hieët alles met zien aafgerondje studie rechten te make, de “Orde van ‘t Befke”

Umdét oeëze Preens verschillendje jaore beej Rog Tillevisie met völ plezeer ‘t programma “Weem weurtj ’t, hieët geprizzentieërdj és zien devies dan ouch:

“Weem weurtj ’t, hejjae dék van mich gehuuërdj,

                                               nów bin ich ‘t, dae de vastelaovendj kluuërtj!”

Laesj wieter op de Preensepagina

Kiektj ouch us beej:

10 maart 2022

Dit jaor hieët V.V. de Rogstaekers, same met înkel kepélle, ’n aantal minse in ’t zönneke moôge zétte. Um verschillendje rieëje kriêge dieës minse inne aanloup nao de vastelaovendj van 2022 ’n bezeûkske van ‘n…

Serenades, Óngerscheidinge en Bloôme

Lees meer

25 februari 2022

Op dieënsdig 1 mieërt zal Jeugdpreens Sjoerd I d’r toch echt aan mótte geluive. Naodet hieël wat hermeniekes en kepelle ’s middigs ongetwiêfeldj vör de noeëdige meziek hebbe gezörgdj és ’t um 19:11 oor zoeë…

Dieënsdig 1 mieërt: Abdicatie

Lees meer

17 februari 2022

Op maondjig 28 fibberwarie  tréktj d’r nao twieë jaor wieër ‘ne Wichteroptocht doeër de Wieërter binnestad. Vae roôpe alle Wieërter wichter op um nao de stad te kaome en mej te trékke in ‘ne boonte…

Maondjig 28-02: Wichteroptocht in binnestad

Lees meer
Mieër noets