Vastelaovendj és springlaevendj!

11-10-2017
1958Preensewage

Vastelaovendj és ’n fieëst met historie, cultuur en traditie. En dao zeen vae in Wieërt mèr wat gruuëts op! Al jaore lânk belaeve joônk en aod heej völ plezeer aan. Doeër de jaore haer hebbe d’r in Wieërt tal van Preense en Jeugdpreense roondgeloupe, trokke d’r hongerte schoeën creaties doeër de straote, hebbe doeëzendje minse genoeëte van prachtige Boonte Aovendje, zeen d’r fantastische vastelaovendjlidjes geschriêve en gaotj zoeë mèr doeër. Det waas vreuger, det és noow en det gaeve vae doeër aan volgendje generaties. Same haoje vae dieës cultuur in stând. De Rogstaekers beschikke oeëver ’n fantastisch archief vôl mét prachtig materiaol. En via de now Facebookpagina 'Vastelaovendj és springlaevendj' gaon vae foto’s, video’s of geluidsfragmênte daele met edereîn. Volgtj dieëze pagina ouch doeër te like, geneetj same mét os van alles waat és gewaesj en dootj mét os mej aan alles waat nog gieët kaome. Same haoje vae de vastelaovendj in Wieërt springlaevendj!

Foto: 60.000 minse kieëke nao d'n optocht van 1958 met aan 't indj de preensewage met Preens Ton I (Joosten)