Spuuëlerke van de waek 5

21-12-2017
2017BABrenda

Alweer de viêfdje aaflevering van de rubriek 'ut Spuuëlerke van de waek'
Inne aanloûp nao de Boonte Aovendje stelle de spuuëlers zich aan uch vuur.

Naam: Brenda Wijen-van Lierop
Beejnaam: di-j daapse van Laor
Laeftiêd: rejaal in de 30
Wêrk: wichteropvang bi-j mich aan hoês
Woeënplaats: Laor
Hobby’s: tenieël en saxofoon spuuële
Relatie: getrawdj mét Manuel, dochter Toke en zoeën Maan.

Vraog van vuuërige waek van Marc
Hoi Brenda. Vingse ‘t neet jaomer desse neet in ‘t WTV Magazine hes gestânge as vraw vanne Preens?
Eigelik neet....want dan waas de kâns ouch vreej groeët gewaesj det ich det noow neet mieër woor...dus.

Weejvöl jaor deusse al mét:
Dit weurtj miene 7e.

Rol binne de groep:
Ich bring orde en röst in de groep.

Weej besse beej de Boonte Aovendj gekaome:
Ich bin d’r eigelik per ongelök beejgekaome....mét ‘ne umwieëg van 15 jaor boonte aovendj in de Hè-j!

Waat és dien favoriete BA sketch oeëts?
Wieëncursus.

Welk stök és ‘t schoeënste woeë desse zelf in gespuuëltj hes?
Paerdemaegdjes/wieëncursus en vreuger in de Hè-j: Väös en Lia.

Weem weurtj Preens: Gae messchien?

Woeërum motte de mînse dit jaor nao de Boonte Aovendj kaome kieke:
Umdet ze di-j kaartjes neet mieër trök kinne brînge.

Waat es dien vaste ritueel 5 min vuuër aanvang?
In mien koffer kaake. Ich kaak umdet edereîn dao hieel röstig van weurtj....un soeërt van therapeutisch kaake.

Vör mich és vastelaovendj?
Vastelaovendj es vör mich unne hieële hoûp terlèl mét nao de stad sleipe en dao nao un hallef oor al spieët van hebbe mèr ‘t aevezieër mét bliêve sleipe.....in combinatie mét (eventueel) ‘n glaeske limmenaad. Ich ving ut fein um miene körststal mét te neme en uut te stalle...ich vraog dao ouch altiêd entree vör...

Aan weem wilse de volgendje waek ‘n vraog stelle en waat és de vraog? Aan Jack. Gae hetj van di-j fein fietsbeîn....striêkdje di-j edere aovendj in of blînke di-j altiêd zoeë schoeën?