Anton Moonen: Commandeur

21-01-2018
80120-AntonMoonen-Commanduur_30

Op zaoterdig 20 jannewarie 2018 és Anton Moonen geïeërdj met de hoeëgste óngerscheiding di-j Stadsvastelaovendjvereiniging de Rogstaekers hieët ingestéldj: "Commandeur in de Orde van de Rog". 
Beej zien aafscheid as Boonte Aovendj-artiest woôrt Anton aan 't indj van de 10e Boonte Aovendj complieët verrasj.
Nao zien debuut in 1985 as "Urjanus, de broor van Urbanus" vólgdje in 33 jaor talloze types en sketches. Naeve dit alles és hae al jaor en daag in de groeëte optocht  en ’t toêt- en blaosfieëst te zeen met zien VV de Geknakdje stieël en wiêter kujjae ‘m vînge in eder keffee en beej alle vastelaovendj-aktiviteite in Wieërt en de boeëteni-jje. Daonaeve hebbe vae as Rogstaekers al dek 'n beroop op 'Toeën' kunne doon vör ’t prizzentieëre van of ’t mejwêrke aan verschillendje evenemênte van de Rogstaekers.