Spuuëlerke van de waek 7

5 januari 2018

2018BAAntonMoonen

Dieëze kieër 't zieëvendje spuuëlerke van de waek, det zich aan uch vuuërsteltj

Naam: Anton Moonen
Beejnaam: Toeën, Mor, Moeëne
Laeftiêd: Gooj vraog. Bin ‘s oeëts gestoptj met telle beej 46.

Wêrk: Ja, 5 daag inne waek 
Woeënplaats: Wieërt
Hobby’s: Neet zoeë gek völ. 
Relatie: Getrâwdj met Petra. (Det mocht ich eigeluk neet zègke van mien vrâw. Zagte mien dochters Robin en Nikki.)

Vraog van Jack aan Anton: 
Toeën, gae dootj noow al vör de 33e kier mej... Mét umkleî-je lègke vae jong manne ‘t rejaal aaf tieëge eur torso! Waat és eur geheim? 33 jaor Boonte Aovendj. Det huldj uch good in vôrm. Dus gae hetj nog effe!

 

33 Jaor Boonte Aovendj, wi-j kuj jae det zoeëlang volhaoje? Mét allemaol van di-j feîn mînse  um uch haer és det gemaekelik te doon.  Gae zoeëtj ‘t eigelik zelluf ‘s motte prebieëre. Waat ‘n femiêlie. Fantastisch.

Woeë mooge vae uch s' nachts vör wakker make:

Sjokkelaat en as d’r ‘s waat és dejje dînktj dejje mich dao vör motj wakker make. 

Rol binne de groep:

Mieëst verstendjig kiekendje aoj-garde artiest, dae beej aafgaon van de wékker um 11 minute vuuër acht de ieër hieët um vör de haard wêrkendje jeugdige en aafgetraindje aanwieëzige in de kleidkamer ‘n flès beer oeëpe te trèkke. 

Wi-j zeejje beej de Boonte Aovendj gekaome:

In de vuuërige ieëuw tiêdes ‘n optrei-je as Urjanus, de broor van Urbanus, vroog toenmaolig Boonte Aovundj artiest Bert van Doeëre mich dao vör. Bin dae mins nog dânkbaar. Waas trouwes ‘n gooj vraog van Bert.

Favoriete stök:

Det stök woeë toen ederein zoeë kei-j haard um mos lache en De Toeën Toeëns en de tieëne dokter en de doeëdgraver en ‘t wijn instuifje en de îngelkes en en en en en allemaol favoriete.

Schoeënste eige stök in de aafgelaupe 33 jaor:

Urjanus, umdet ‘t toen begos.

Es d’r ouch ‘n stök woeëmej  dejje neet zoeë bli-j zeetj achteraaf ?

‘n Stök Kroônselevlaaj. Bin ich dék neet kepot van achteraaf.

Weem weurtj Preens:

Det es ‘t groeëtst  bewaardj geheim van Wieërt en ich moog det aan neeme vertélle det ‘t ‘ne hieële bekîndjem good vanne tongreem gesnieëje  Wieërter jong és. Gae kindj um allemaol! En ‘t és ........Geheim!

Woeërum motte de minse kaome kieke:

Um zich ‘ne aovendj rejaal te ammezieëre en de rest van de wereldj effe allemaol te vergaete.

Vaste ritueel 5 minute vor aanvângk: 

Van alles woeë de ânger allang me-j klaor zeen. Umklei-je, schmînke, microfoon teste, fleske beer drînke en det op mieën doeëj gemaak.

Waat és eur laeve nao de Boonte Aovendje?

Ich heb mich ‘n perdje gekochtj en ‘ne haan.

Vastelaovundj és vör mich? De schoeënste tiêd van ‘t jaor!!! En deej ânger daag valle ouch best mej.

Wildjae nog erges op trökkaome?

Jao op ‘ne kemieël.
 

Vraog aan Ivonne:

És ‘t waor desse dich dit jaor hieëlemaol bloeët gufs?


Tags: -

Kiektj ouch us beej:

15 januari 2022

Rogstaekers trékke conclusie oeëver Vastelaovendj 2022 Ondânks alle onzieëkerheid hebbe vae allemaol lang gehoeëptj um in ’t vastelaovendjsezoen 2021-2022 ’t laeve weer te kunne veere. Mer in november hieët Stadsvastelaovendjvereîniging de Rogstaekers al de uutroping…

Aangepaszje Vastelaovendj 2022

Lees meer

29 oktober 2020

  As gevolg vanne aangeschêrpdje Coronamaotregele wurtj ‘t vastelaovendjsezoen van 2020-2021 in Wieërt nog wieter uutgeklédj. Begin oktoeëber maakdje Stadsvastelaovendjvereîniging De Rogstaekers bekindj dét alle groeëte, traditionieël evenemênte ‘t kaomendj sezoen neet doeër zölle gaon….

Rogstaekers schale vastelaovendjsezoen nog wieter aaf

Lees meer

2 oktober 2020

‘t Veûr mót bliêve börre: Waal Stadspreense in Wieërt, echter gein traditionieël activiteite Noow Corona de wéreldj in z’n greep hieët, és de Vastelaovendj wi-j vae gewindj zeen um dae te veêre zieëker neet realistisch….

Knouwel en plezeer, op ’n ânger meneer

Lees meer
Mieër noets