Jasper Heesakkers nowwe Kanseleer

12 oktober 2018

Op zoondig 11 november weurtj ‘t Wieërter vastelaovendjsezoen geoeëpendj met ‘Vorst oppe Troeën’. Tiedes dieës zitting in ‘t Munttheater weurtj oeëze nowwe Kanseleer Jasper Heesakkers geïnstallieërdj.

Nao de installatie vuuërig jaor van Vorst Stan és dit jaor Jasper Heesakkers tiedes ‘Vorst oppe Troeën’ aanne buuërt um as Kanseleer geïnstallieërdj te gaon waere. Hae steltj zich beej dieëze efkes aan uch vuuër: 
“Ich ving ‘t ’n groeëte ieër um op dieës meneer ’n beejdrage te levere aan ’t laevendj haoje vanne Wieërter Rogstaekers vastelaovendj. Dit fieëst vol met prachtige tradities  hebbe vae gekriêge van oeës vuuërgangers en ’t és aan os allemaol um det op ‘n eigetieëdse meneer doeër te gaeve”.

De Kanseleer beej de Rogstaekers és ouch vice-vuuërzitter vanne vereîniging en vervingtj de Vorst en vuuërzitter as det noeëdig és. De Kanseleer és herkinbaar aanne draagmedalie en aan ’t bontje op zien staek.

Kiektj beej “Vorst oppe Troeën” vör mieër informatie.

(foto Martin Muñoz)


V.V. de Rogstaekers maaktj tiedes dieës aktiviteit muuëgelik foto’s en/of video-opnamen vör publicatiedoelîndje.
Raodpleeg oeës privacyverklaoring, as dejje dao bezwaor tieëge wiltj make.

Tags: - -

Kiektj ouch us beej:

21 mei 2020

Aafgeloûpe maondj hieët V.V. de Rogstaekers ‘ne ‘Tjéllensj’ uutgeschriêve woeëbeej Wieërtenare uutgedaagdj woôrte um ’n eige persiflaasj te make oppe alum bekindje Rogstaekerslegende. Dao és massaal gehuuër aan gegaeve. Dao zeen toch hieël wat creatief…

Rogstaekers Tjéllensj – De Uutslaag

Lees meer

18 april 2020

Stadsvastelaovendjvereîniging de Rogstaekers daagtj ederein uut um ‘n persiflaasj te make oppe Rogstaekerslegende. Bieëldj zelf de waalbekindje Rogstaekerslegende uut en maaktj d’r foto’s van, maaktj ‘n eigentiêdse teîkening of schilderi-j, ‘ne film of… zeêtj creatief!…

Rogstaekers-Tjéllensj

Lees meer

25 februari 2020

Naodet op zoondig de groeëte optocht neet doeër kós gaon vanwieëge ‘t slechte waer, waas ‘t oppe maondjig gelökkig wat baeter roond de tiêd det de wichteroptocht mós gaon trekke. En det woeër te mêrke….

Wichteroptocht 2020: de priêze!

Lees meer
Mieër noets