Vastelaovendjgezèt neet gekriêge?

12 februari 2019

 

Eder jaor brînge de Rogstaekers de vastelaovendjgezét uut. Ónger de naam 'De Rogstèker' kriêge de Wieërtenare dit blaad inne breevebös. Vôl mét trökblikke op 't aafgeloupe sezoen, mer ouch met de lèste informatie oeëver waat d'r dit jaor allemaol stieët te gebuuëre met de vastelaovendj.

En behâlve alles oeëver oeës now Preense, zeeje fotookes van de Jeugdraod en de Huppelpupkes, kujje lache met wat kromme zeîver en veltj d'r te laeze oeëver 'n groep die ouch de wichter betrèktj in eur baw-activiteite.

In 't weekend van 9 en 10 fibberwarie és de vastelaovendjgezèt hoês-aan-hoês in Wieërt bezörrigdj.

 

 

2019-02-06VuurpaginaGezet

’t Keumtj helaas dèk vuuër det dan toch neet edereîn de gezèt hieët gekriêge. Beej de eîne umdet d’r in deej straot geine bezörriger és gewaesj en beej ‘ne ângere d’r ‘ne sticker “Geen reclame” oppe breevebös zitj. Vör alle mînse deej de gezèt gaer wille hebbe, kunne deej gratis aafhale oppe volgendje verkoûppûnte en op = op:

  • Bruna, Mêrrentj 11-13
  • Bufkes, Muntpassage 36
  • Cigo van Bun, Muntpassage 7
  • Kaas & Co, Muntpassage 79 (beej Preens Frank II)
  • Paquay, Langstraot 10
  • Party Time Feestwinkel, Maasport 60
  • Pede XL, Langstraot 35-39
  • Vitaminstore, Muntpassage 73
  • WarenHuis-conceptstore, Bieëkstraot 54
  • Zus & Zo Cadeau, Muntpassage 75

Tags: -

Kiektj ouch us beej:

21 mei 2020

Aafgeloûpe maondj hieët V.V. de Rogstaekers ‘ne ‘Tjéllensj’ uutgeschriêve woeëbeej Wieërtenare uutgedaagdj woôrte um ’n eige persiflaasj te make oppe alum bekindje Rogstaekerslegende. Dao és massaal gehuuër aan gegaeve. Dao zeen toch hieël wat creatief…

Rogstaekers Tjéllensj – De Uutslaag

Lees meer

18 april 2020

Stadsvastelaovendjvereîniging de Rogstaekers daagtj ederein uut um ‘n persiflaasj te make oppe Rogstaekerslegende. Bieëldj zelf de waalbekindje Rogstaekerslegende uut en maaktj d’r foto’s van, maaktj ‘n eigentiêdse teîkening of schilderi-j, ‘ne film of… zeêtj creatief!…

Rogstaekers-Tjéllensj

Lees meer

25 februari 2020

Naodet op zoondig de groeëte optocht neet doeër kós gaon vanwieëge ‘t slechte waer, waas ‘t oppe maondjig gelökkig wat baeter roond de tiêd det de wichteroptocht mós gaon trekke. En det woeër te mêrke….

Wichteroptocht 2020: de priêze!

Lees meer
Mieër noets