Preens raoje: d’r és ‘ne winnaar!

4 februari 2019

UPDATE:
D’r és ‘ne winnaar van de veer kaartjes vör de Boonte Femiêliemiddig op zaoterdig 9 fibberwarie. Van ‘t raoje vanne Preens haaj nemus kieës gegaete, mer uut de inzendinge, di-j good haaje geraoje det Stan van Dijk de Jeugdpreens van 2019 zou waere, és geloeëtj en de winnaar és:

Wes van Renswouw

Leuk detail: beej de Groeëte Preens dacht Wes, det ‘t Pascal Grosveld zou waere, dus hae zoeët waal inne buurt!


Weem weurtj ’t?

Eder jaor braeke zich  ‘ne hieële houp minse de hersens oeëver de vraog: “Weem weurtj ‘t?” Weem moog straks uut hâng vanne Opper Opper Rogstaeker de sluuëtel in ontvangst neme en hieërse oeëver Wieërt met de Vastelaovendj? Weem keumtj tiedes de Gala Boonte Aovendj uut de hoeëge hoed as Rogstaekerspreens 2019 en weem és ziene kleine, groeëte vreend, dae vuuërgieët tiedes de vastelaovendjactiviteite vör de jeugd? Dînktj mer ‘s nao weem de Preens en Jeugdpreens zoeëje kunne gaon waere. Det raoje gebuuërtj al eder jaor en dit jaor make minse di-j ’t good hebbe geraoje kâns op twieë kaartjes vör de Boonte Aovendj op goonsdig 6 fibberwarie (Preens) en veer kaartjes vör de Boonte Femiêliemiddig op zaoterdig 9 fiberwarie (Jeugdpreens). De winnaars van dieëze wedstriêd waere nao de uutrooping vanne Jeugdpreens op zoondig 3 fibberwarie 2019 bekindj gemaaktj.

Dus dootj eur best en raotj weem oeës preense van 2019 waere!

Heej-onger kujje eur kandidaten invölle. Succes!

 

 


 


Tags: - - -

Kiektj ouch us beej:

6 maart 2019

Aafscheid neme deut pien en as ‘t nao ‘t îndj gieët, kaome de emoties nao boeëve en deêne de waterlanders zich aan. Det huuërtj d’r beej. Vreugde mét de kinteîkene van verdreet én ‘t verdreet…

Trök nae ‘t laeve van alledaag . . .

Lees meer

25 februari 2019

‘ne Daag nao eur installatie woeërt op zoondig 24 fibberwarie 2019 de receptie gehaoje vör Preens Frank II en Jeugdpreens Stan I. Det gebuuërdje inne SooS oppe Mêrrentj. Ieërst koste genuuëdigdje de twieë hoeëghede ‘n…

Drökke en gezellige preensereceptie

Lees meer

23 februari 2019

Vriêdig 22 fibberwarie woeër de Philharmonie zuidnederland te gast in ‘t Munttheater in Wieërt vör de 6×11 jubileum-editie van de jaorlikse reeks Limburger Vastelaovendjconcerte. Oonger leiding van dirigênt Matti Cillissen bracht ‘t gezelschap völ klassiekers…

Preens Frank II oppe bok

Lees meer
Mieër noets