Preens raoje! (beej Cultureel Lint)

1 september 2019

 


Weem weurtj ’t?

Eder jaor braeke zich  ‘ne hieële houp minse de hersens oeëver de vraog: “Weem weurtj ‘t?” Weem moog straks uut hâng vanne Opper Opper Rogstaeker de sluuëtel in ontvangst neme en hieërse oeëver Wieërt met de Vastelaovendj? Weem keumtj tiedes de Gala Boonte Aovendj uut de hoeëge hoed as Rogstaekerspreens 2020 en weem és ziene kleine, groeëte vreend, dae vuuërgieët tiedes de vastelaovendjactiviteite vör de jeugd? Dînktj mer ‘s nao weem de Preens en Jeugdpreens zoeëje kunne gaon waere. Det raoje gebuuërtj al eder jaor en dit jaor make minse di-j ’t good hebbe geraoje kâns op twieë kaartjes vör de Boonte Aovendj op goonsdig 29 jannewarie (Preens) en veer kaartjes vör de Boonte Femiêliemiddig op zaoterdig 1 fiberwarie (Jeugdpreens). De winnaars van dieëze wedstriêd waere nao de uutrooping vanne Jeugdpreens op zoondig 26 jannewarie 2020 bekindj gemaaktj.

Dus dootj eur best en raotj weem oeës preense van 2020 waere!

Heej-onger kujje eur kandidaten invölle. Succes!


Det raoje van oeës preense kin ouch al tiêdus ‘t Cultureel Lint op zoondig 22 september. Vuuërig jaor veel dieës oeëpening van ‘t culturele sezoen doeër ’t slechte waer in ’t water. Vanwieëge de haarde wîndj koste de activiteite van de Rogstaekers toen gein doeërgânk veenge. Dit jaor gaon vae op herhaling. Gae vingtj os oppe Nowwe Mêrrentj. En dao kujje uch ouch ‘ne kieër echt Preens veule: vae doon uch de mântel um en zette uch de staek op. Gae klumtj inne optochtwage en kuntj van dao uut zeen waat de Preens en Jeugdpreens tiêdus de jaorlikse Groeëte Rogstaekersoptocht belaeve. En Adrie maaktj dao ‘n schoeën foto van.


Jao, ich dînk det ich weît weem os met de vastelaovendj van 2020 vuuër zulle gaon as Preens en Jeugdpreens van de Rogstaekers. Ich mog mer eine kieër mejdoon. Allein de ieërste inzending geldtj.
  • Doeër 't aanvînke van 't vèkske heej-onger gaon ich d'r mej akkoeërd det (mogt ich dao nog neet op zeen geabonnieërdj) ich van ‘t vastelaovendjnoets oppe huuëgdje waer gehaoje via de RogMail. Vanzelfspraekendj kin ich gemaekelik aafmelde oongeraan edere RogMail.
  • Datumnotatie:DD dash MM dash JJJJ
  • Dit veld is bedoeld voor validatiedoeleinden en moet niet worden gewijzigd.

Tags: - - -

Kiektj ouch us beej:

6 maart 2019

Aafscheid neme deut pien en as ‘t nao ‘t îndj gieët, kaome de emoties nao boeëve en deêne de waterlanders zich aan. Det huuërtj d’r beej. Vreugde mét de kinteîkene van verdreet én ‘t verdreet…

Trök nae ‘t laeve van alledaag . . .

Lees meer

25 februari 2019

‘ne Daag nao eur installatie woeërt op zoondig 24 fibberwarie 2019 de receptie gehaoje vör Preens Frank II en Jeugdpreens Stan I. Det gebuuërdje inne SooS oppe Mêrrentj. Ieërst koste genuuëdigdje de twieë hoeëghede ‘n…

Drökke en gezellige preensereceptie

Lees meer

23 februari 2019

Vriêdig 22 fibberwarie woeër de Philharmonie zuidnederland te gast in ‘t Munttheater in Wieërt vör de 6×11 jubileum-editie van de jaorlikse reeks Limburger Vastelaovendjconcerte. Oonger leiding van dirigênt Matti Cillissen bracht ‘t gezelschap völ klassiekers…

Preens Frank II oppe bok

Lees meer
Mieër noets