Gae kintj inschriêve vör de Groeëte Rogstaekersoptocht

15 november 2019

Béste vastelaovendjveerders,

Op zoondig 23 fibberwarie 2020 trektj de Groeëte Rogstaekersoptocht wieër oeëver de Wieërter sîngels.
Beej dit bericht ki-jje ’t optochtreglemênt en ’t inschriêfformeleer vör 2020 downloade.
Um foute te vuuërkaome vraoge vae uch um ‘t inschriêfformeleer te laote teîkene doeër 2 minse vanne vereîniging.
Beej Eînlinge hooftj det neteurlik neet.
Mocht beej uch twiêfel bestaon oeëver ’t vôldoon aan criteria uut dit reglemênt, neemtj dan kontakt mét os op.

Route Groeëte optocht

 

Létj op: De léste daag dejje kuntj inschriêve és maondjig 6 jannewarie 2020 asdejje mejdootj met ‘ne groeëte of ‘ne kleine wage. Vör de ânger categorieën és det op maondjig 27 jannewarie 2020.

’t Inschriefformeleer kân waere ingesteurdj nao Postbus 12, 6000 AA Weert. t.n.v. de Optochtkemissie.

Gae kintj ’t ouch in de breêvebös dowwe van ’t optochtsikkertariaat, Alphons Boostenstraat 37 in Wieërt.

Dooje ’t leever digitaal, det kin ouch. Steurtj ’t dan as beejlaag in ’n e-mailtje aan w.a.g.berben@gmail.com

Létj op: Inschriêvinge di-j nao 27 jannewarie binnekaome kunne helaas neet mieër waere geacceptieërdj!!

De route és geliêk aan di-j van vuuërig jaor.

Inschriefformeleer Optocht 2020 Reglemênt Optocht 2020

V.V. de Rogstaekers maaktj tiedes dieës aktiviteit muuëgelik foto’s en/of video-opnamen vör publicatiedoelîndje.
Raodpleeg oeës privacyverklaoring, as dejje dao bezwaor tieëge wiltj make.

Tags: -

Kiektj ouch us beej:

15 januari 2022

Rogstaekers trékke conclusie oeëver Vastelaovendj 2022 Ondânks alle onzieëkerheid hebbe vae allemaol lang gehoeëptj um in ’t vastelaovendjsezoen 2021-2022 ’t laeve weer te kunne veere. Mer in november hieët Stadsvastelaovendjvereîniging de Rogstaekers al de uutroping…

Aangepaszje Vastelaovendj 2022

Lees meer

29 oktober 2020

  As gevolg vanne aangeschêrpdje Coronamaotregele wurtj ‘t vastelaovendjsezoen van 2020-2021 in Wieërt nog wieter uutgeklédj. Begin oktoeëber maakdje Stadsvastelaovendjvereîniging De Rogstaekers bekindj dét alle groeëte, traditionieël evenemênte ‘t kaomendj sezoen neet doeër zölle gaon….

Rogstaekers schale vastelaovendjsezoen nog wieter aaf

Lees meer

2 oktober 2020

‘t Veûr mót bliêve börre: Waal Stadspreense in Wieërt, echter gein traditionieël activiteite Noow Corona de wéreldj in z’n greep hieët, és de Vastelaovendj wi-j vae gewindj zeen um dae te veêre zieëker neet realistisch….

Knouwel en plezeer, op ’n ânger meneer

Lees meer
Mieër noets