Mark Bouwmans beneumdj tot Ieërelid

12-11-2019

In het beejzeen van stiêpels, lede van de senaat, vreejwilligers en vertieëgewoeërdigers van zöstervereîniginge hebbe de Rogstaekers op 11 november 't vastelaovendjsezoen geoeëpendj met 'n algemeîn ledevergadering. Aan 't îndj van dieës gezellige gebuuërtenis woeërt Mark Bouwmans verzochtj op 't podium te kaome. Mark hieët te kinne gegaeve d'r nao 22 jaor lidmaatschap 'ne pûnt achter te willle zette. Vorst Stan memorieërdje de loupbaan van Mark en wooër dao waal effe mej zuuët, zoeëvöl take hieët Mark binne en boete 't besteur uutgeveurdj. Ouch aan de zi-jliên haet Mark völ beteîkendj vör de Wieërter Vastelaovendj en de cultuur in 't algemeîn. Hae kós vuuërâl geniete van 't organisieëre van groeëte manifestaties, wi-j de Gulden Humor en ouch waas hae eîn van de drieëvendje krachte beej de musical "Rogstaekers - De Legende" in 2014, woeëvan 't idee en de algehieële aristieke leiding beej hem loeëge. Ouch hieët hae de tekste vör alle lidjes geschriêve. Mark woeër zichtbaar ontroerdj wi-j bekindj waerdje gemaaktj det hae vör al dieës inspanninge és beneumdj tot Ieërelid van de Rogstaekers.