Leef wichter:
Op maondjig 24 fibberwarie kujje weer mejdoon mét de Wichteroptocht in de Wieërter binnestad. Um 14:00 oor geuftj sirremoniemeister Dorus 't startsein en vertrektj de oeëpe wage mét Roggie oppe achterbank weer vanuut de Stationsstraot. Alle deîlnemers hoeëpe dan de Broonze Bakfiets, de Zulvere Knoeëk of de kleîne Gouwe Rog te winne en trekke mét op 't îndj de wage van de noow nog onbekindje Jeugdpreens nao de Mêrrentj. Edereîn, dae mejdeut, kriegtj 'ne snoepzak en 'n herinneringsmedalie. De priêsuutreikng és ouch oppe Mêrrentj en in de tössetiêd kujje lekker hosse oppe muziek van The Deejays.
Alle wietere informatie vingdje oppe speciaal pagina oeëver de Wichteroptocht.
