Oppe maondjig kaome de besteurslede van de SLV (de Samenwirkendje Limburgse Vastelaovesvereiniginge) traditiegetraw nao de Boonte Aovendj in Wieërt. Det doon ze neet allein um 's lekker te kinne lache. Nein, mieëstal zette ze ouch ein of mieërdere persoeëne in 't zönke vanwege eur inzet vör de vastelaovendj in 't algemein of dae van Wieërt in 't bezûndjer.
Op vuuërdracht van V.V. de Rogstaekers hieëf 't besteur van de SLV Wil Berben tiêdus de Boonte Aovendj van 27 jannewarie in 't Munttheater in Wieërt onderschei-je mét de Orde van Verdienste. Dieës orde is towgekindj vanwege zien verdeenste vör de FOS ("Fieëst Oppe Straot"), de optochtbegeleiding, websitebehieër, archief en zien belangriêke rol beej de tentoeënstelling ter ieëre van 't 8x11 jubileum van de Rogstaekers in 't gemêindjemuseum van Wieërt.
Wil Berben mét naeve zich echtgenoeëte Annie kriegtj uut hang van vuuërzitter
Raymond Vlecken van de SLV de oorkonde di-j huuërtj beej de Orde van Verdienste
