Alles oeëver de Groeëte Rogstaekersoptocht: AAFGELASJ!

20-02-2020

Op zoondig 23 fibberwarie trektj vanaaf 13:30 oor de Groeëte Rogstaekersoptocht oeëver de Wieërter singels. De doêzendje kiekers naeve de kânt zeen ouch noow wieër verzieëkerdj van 'n kluuërriêk spektakel mét prachtige creaties en völ knauwel en schaele zeiver. Det és in de ieërste plaats neteurlik te dânke aan al di-j hongerte fanatieke deîlnemers, di-j stri-jje um de Gouwe Rog en/of de Knouwelpriês. De route és heejbeej aafgebieëldj.

Stuuën

'n Speciaal woeërd van dânk gieët uut nao de bedriêve en instellinge, di-j zich bezûndjer inzette vör 't doon slage vanne optocht:

Thijs Expeditie, Intrak BV, Peter Stultiens Banden, Crest Suikerwerken BV, Buwalda, WETRON, Hostellerie Munten, Loonbedrijf Van de Kruijs B.V., Gemeente Weert, Politie Weert, Brandweer Weert, EHBO Weert (allemaol uut Wieërt) en Q-Park uut Mestreecht.

Vuuër en tiêdus de Groeëte Rogstaekersoptocht zeen de wieëge in de binnestad van Wieërt bepêrktj bereikbaar. Alleîn de parkieërgarages aan 't Stationspleîn en beej de Port van Limburg kinne dan waere gebroêktj.

'n Oeëverzicht heejvan kujje bekieke op de website van de gemeîndje Wieërt.

___

Oppe parkieërplaats beej Gruythuysen aane Kestieëlsingel keumptj 'n mobiel kefee te staon, woeë oeës stiêpels nao de optocht kinne kieke.

___

Inne boetebocht van Wilhelminasingel en Kestieëlsingel stieët 'ne wage van Thijs, woeë ingeschriêve Rogstaekers® hoeëg en druuëg kinne kieke.

___

Mogdje dorst hebbe: aan de route of vlak dao beej zeen tal van kefees woeë dejje wat te drînke kuntj kriêge.

Meziek

't Publiek kân op verschillendje plaatse weer mejgeneete vanne meziek, dae doeër de kepelle wurtj gemaaktj. Det zeen:

Kepel Vae Same Hook Driesveldlaan - Wilhelminasngel
Um te Bäöke Hook Wilhelminasingel - Muuëlestraot
Kepel Gootgemootj Hook Wilhelminasingel - Bieëkport
Hermeni-j De Kompeni-j Hook Emmasingel - Oelemêrrentj
De Vâlse Loef Hook Emmasîngel - Voeëgelsbleîk
Hermeni-j Vannix Hook Emmasingel - Maasport

 

Priêsuutreiking

De priêze waere saoves vanaaf 20:00 oor bekindj gemaaktj oppe Mêrrentj tiêdus 'n groeët muziekspektakel. De spanning wurtj heejbeej neteurlik flînk opgebawdj en vör völ deîlnemers és de ontlading êrreg intens, wannieër eindelik de uutslaag d'r és!

De deîlnemers:

(ónger vuuërbehaod)

Nr Cat Vereîniging Motto
1 KLW VV de Rogstaekers  
2 HR Kerkelijke Harmonie St Joseph 1880 Al 140 jaor Blaadbloazers
3 GRW VV de Rogstaekers Raod van Ellef
4 KLW VV WBC Eindelik gevange …oeëze schattebout
5 TR Wielerclup di-j drej Nog eine kieër alles uut de kast
6 K Theike en Co Vae stoppe!!!
7 KLG VV de Zieëmelezeîkers Ut hieërsj
8 GRG VV De Klodders Vae gaon dieës daag wej 'n raket!
9 GRW CV Doorgedraaid Knalfieëst!
10 KWT VV Enne… Aan zoeë 'ne werme wintjer hebbe vae geine vorst oeëvergehaoje
11 E VV de Einling 1983 Ich heb wat oppe kop
12 K VV Pier vanThei van Mokum-Wullem Nordic stalking
13 KLG CV De Dorstvlieëgels Woeë es dae Vorst gebliêve?
14 E Ich Allein Ingestâptj
15 KLW VV Hals euver kop Vae zeen haai
16 GRG VV de Kuitbókse Vae kome good uut de vêrf
17 TR VV Vétnel Uutgeroejdj
18 GRW VV de Tupkes Vae slaon 'n jaor oeëver!
19 KLW De Matties De aafstenj waere alsmer gekker, daoróm ein bus mèt ‘ne stekker
20 K Vae  Kunne op Camp Vreuger haadje nog snieë
21 KWT Duo vae dri-j Now gae weer....
22 KWT VV Ein ôngerein Lei-jer zaat
23 E VV Noeëts - Neet Miene motoriek
24 GRW CV de Doorzetters Vae hebbe watt te vôl
25 KLG Wokmuziektheater Al 40 jaor ein groeët drama
26 KLG VV de Kernalies Woeë és de schoeëtelslet?
27 HR Fluit- en Tamboerkorps St. Job Mét träöt en trom
28 TR VV de Alpinoos Smerige aafzétters
29 KLG V.V. Geîne pôngel Oeëpera(am) zangeres
30 GRW CV Ni Normaal Inne stumming vör vastelaovendj
31 KWT VV Di-j van os en vae Flopkraak
32 K VV Ich & Uch Det hebbe vae weer … prosecco-rups
33 KLG VV Vör de lôl Uutgelaote
34 KLW VV de Gaffels Djuu … stekker dur uut!
35 KLG VV Duo Gepaerskuuëteldj Wasstraot de naate zieëm
36 GRG Aojers Rogstaekers jeugd Vanaaf vandaag trék ich mien zök wat hoeëger op,
dieëze vastelaovendj zét ich Wieërt op ziéne kop!
37 GRW Jeugdpreens Rens 1e mét zien gevolg Vanaaf vandaag trék ich mien zök wat hoeëger op,
dieëze vastelaovendj zét ich Wieërt op ziéne kop!
38 K Duo Wim en Lou Kriêge um neet umhoeëg
39 K VV de Knoûwels  Vae zeen inne priêze gevalle
40 KLW Aoje Wous & Co Haadje neêt gedachtj
41 KLG VV Vétkej Dit jaor laote vae de teugels vere
42 GRG VV de Kauvers As vae 't mer snappe
43 KWT VV de Poêkelroetsjers 'n nest Pimpelmeeze
44 TR VV De Poelepetaote & Hâllef um 'ne vrieëmdje voeëgel
45 GRW VV De Hêldje op zök Heej gieët 't gebueëre!
46 KLG VV de Jênsers Kluuëreblîndj
47 K VV Vae Drejje Vae bakke oeës mik zônger korste(n)
48 KLW VV de Kluuëtjes Spuit elf
49 KWT De Mennekes Vae hebbe ouch geine Vorst
50 GRW VV de Foetelieërs Mét roulette en poker, gokke vae op oeëze vastelaovendj-joker!
51 KLG VV Jeugd Vêrkus Knauwelprieës
52 KLG VV Van 12 wis middig Burgers zoo
53 E Ieëwige schang Waat 'ne poppekast
54 K VV De Batraave  Gein gezicht
55 GRG VV de Zweeloeere 5x11 jaor, det verdeentj un bleumke
56 TR VV Nixx te Schiêtschoeëtele Ich dînk neet det ich 't aan kin?!
57 E Thijssen Hoêsorde van de Stil Trom
58 KLW VV de Fieëstbieëste Dieëze vastelaovendj reize vae doeër de tiêd
59 K VV Nein Gae Kaakchirurg
60 KWT Gijs, Gijs en de Bordjesdragers Vae hebbe ut virus te pakke!
61 GRW VV Gekkewêrk Hieël Holland Haktj
62 KLG VV de Glaaszeikerkes Lieëraretekort
63 K Duo Sjongejonge Det és neet vorStandjig
64 K VV De Geknâkdje Stieël Vae gaon heej wat op puuëj zette!
65 TR De lieve neusjes Os neet gezeen
66 GRW VV De Wausnauze Vae make d'r eîn groeët circus van!
67 KLG VV de Vrijbuiters 't Hazepad gekoeëze
68 E VV De Flaârisse '85 Ich tummer aan de wieëg
69 KLW VV de Straotvêrkes Schöpke te vôl
70 KWT VV Op ziên 11 en 30ste Alternatieve energie
71 GRW VV eine Chaos Limburger, Galliër of Romein, mét de vastelaovendj same ein! 
72 KLG VV Vörse Mik Al 1x11 jaor dikke mik
74 K VV De Bouters Ingewikkeldj
75 KLW VV Neet te kloppe Uutgeroejtj
76 KLG VV 't És neet te zégke 3 maol daags 1 tablet
77 TR VV de Toetimeloeties PFAS gezochtj!!!
78 GRW CV de Flausmause Oergezellig
79 KLG CV de Flugels Gein ge-mer, vae gaon mét de platte ker
80 HR As Arraias Wi-j vingdje os klînke?
81 GRW Preens Tim 1e Volgtj eur hert, vastelaovendj same!

Uutlègk vanne cattegeri-jje:

E Eînlinge
K Koppels
TR Trio's
KWT Kwartette
KLG Kleîn groepe
GRG Groeëte groepe
KLW Kleîn wages
GRW Groeëte wages
HR Hermeni-jje