Eder jaor ontwêrptj ‘ne ângere creatieve Wieërtenaar de schoeën “Ich bin 'ne Rogstaeker®" pinkes en de Stiepelmedalies. Gruuëts prizzentieëre vae 't creatief talênt det vör ’t sezoen 2020-2021 dieës gewildje verseersele gieët ontwêrpe: Nelleke Bongers. Nelleke stéltj zich gaer aan uch vuuër:"
"Béste Rogstaekers en Rogstaekerinnekes,
Ich bin Nelleke Bongers, eîn vanne drej lede van V.V. Vétnel en maegtje van eîn vanne Straotvêrkus. In ‘t daagliks laeve wêrk ich beej 'n museum in 't zuuëde van oeës schoeën Limburg. Aan inspiratie dus noeëts genóg! Inne aovendjoore haoj ich mich bieëzig mét allerlej creatief dînger wi-j teîkene, schîldere en ('t deut miene naam ieër aan) brejje. Allewaal ich in mien jónger jaore 'n kortstondige carrière heb gatj beej de Brökwagters bin ich toch 'n geboeëre Rogstaekerin. Ich bin dan ouch verieërdj dét ich in dieës bizarre tiêde 't ontwêrp vör dit pinke heb moge make. Ich hoeëp dejje d'r wat van eur eige in herkintj en det eur leefdje vör de vastelaovendj ouch dit jaor wieër ‘n bitje wurtj aangewakkerdj!"
’t Now pinke wurtj geprizzentieërdj oppe 11e vanne 11e.
