Rogstaekers schale vastelaovendjsezoen nog wieter aaf

29 oktober 2020

 

As gevolg vanne aangeschêrpdje Coronamaotregele wurtj ‘t vastelaovendjsezoen van 2020-2021 in Wieërt nog wieter uutgeklédj. Begin oktoeëber maakdje Stadsvastelaovendjvereîniging De Rogstaekers bekindj dét alle groeëte, traditionieël evenemênte ‘t kaomendj sezoen neet doeër zölle gaon. Ónger ‘t devies ‘Knouwel en plezeer, op ’n anger meneer’ és haard gewêrktj aan ‘n alternatief program inclusief de uutrooping van twieë Stadspreense. Ouch doeër di-j planne wurtj noow ‘n streep gezatte.

 

Gezóndheid, veiligheid en belaeving

Alle alternatief planne zeen continu getoetsj aanne géldendje maotregele, woeëbeej gezóndheid, veiligheid en belaeving as lejdraod zeen gehantieërdj. Met positief realisme és gekiêke nao waat waal kân in plaats van waat neet kân. Noow de maotregele oppernoets zeen aangeschêrptj, ‘t aantal besmettinge op blieftj loûpe en ‘t lând in ‘n gedeîldjelikke lockdown zitj, és ‘t momênt gekaome um ouch dao ‘ne pûnt achter te zétte. De Rogstaekers wille richting ‘t pebliek vuuërâl uutstraole dét gezóndheid ‘t állerbelangriêkste és.

Gein Stadspreense

De actueel situatie hieët gelédj tot ‘t besloeët um in ‘t jaor 2021 gein Stadspreense in Wieërt uut te roôpe. Interim-vuuërzitter Jasper Heesakkers: “D’r stóng ‘n schitterendj alternatief program vör oeës Stadspreense inne steigers, woeëbeej beide Hoeëghede de unieke taak kreêge um minse in dieëze lastige tiêd te ontzörge en heur ‘ne lach op ‘t gezicht te brînge. Mer ouch di-j planne hebbe ‘ne grens en vae gaon de réntjes neet opzeûke. Langs dieëze wieëg wille vae oeës beoûgdje Hoeëghede dânke vör heur enthousiasme en begrip.

Vastelaovendj és Springlaevendj

‘t Ontbraeke van groeëte evenemênte, optochte en Preense, betaekentj neet dét ‘t vastelaovendjgeveûl neet geraaktj kân waere. Wieërtenare hebbe as geboeëre Rogstaekers de vastelaovendj immers in heur hert gesloeëte. Daorum wurtj tiêdes de vastelaovendjperiode de binnestad geseêrdj, véltj Vastelaovendjgezét ‘De Rogstèker’ beej ederein inne bös en wurtj d’r ’n fônkelnow ‘Ich bin ‘ne Rogstaeker’ speldje geprizzentieërdj. De échte leefhebbers kunne heur vastelaovendjhert ophale beej de tentoeënstélling ‘Vastelaovendj és Springlaevendj’, verschillendje online aktiviteite en speciaal uutzendinge van ‘Rog Tillevies’. Mieër informatie oeëver dieës aktiviteite wurtj op ‘n later momênt bekindj gemaaktj.

Kanseleer Jasper verteltj oeëver de aanpassinge van 't vastelaovendjprogram i.v.m. de maotregele van de oeëverheid


Tags: -

Kiektj ouch us beej:

10 maart 2022

Dit jaor hieët V.V. de Rogstaekers, same met înkel kepélle, ’n aantal minse in ’t zönneke moôge zétte. Um verschillendje rieëje kriêge dieës minse inne aanloup nao de vastelaovendj van 2022 ’n bezeûkske van ‘n…

Serenades, Óngerscheidinge en Bloôme

Lees meer

25 februari 2022

Op dieënsdig 1 mieërt zal Jeugdpreens Sjoerd I d’r toch echt aan mótte geluive. Naodet hieël wat hermeniekes en kepelle ’s middigs ongetwiêfeldj vör de noeëdige meziek hebbe gezörgdj és ’t um 19:11 oor zoeë…

Dieënsdig 1 mieërt: Abdicatie

Lees meer

20 februari 2022

Op zoondig 20 fibberwarie 2022 kriêg Sjoerd I de sluuëtel van ’t stadsachterpörtje uutgereiktj doeër börgemeister Raymond Vlecken. Det gebuuërdje oppe trappe van ’t aod stadhoês oppe Mêrrentj. Aansloêtendj mocht oeëze Jeugdpreens nog hieël wat…

Sluuëteloeëverdracht Jeugdpreens Sjoerd I

Lees meer
Mieër noets