Tiêdes de Algemein Ledevergadering van de Samewirkende Limburgse Vastelaovesvereniginge (SLV) op maondjig 14 december hieët Raymond Vlecken de besteurshamer officieel oeëvergedrage aan Wieërtenaar Bart Maes.
Vae bedânke Raymond vör ziêne groeëte inzét vör de Limburgse vastelaovendj gedeurendje de aafgeloupe 12 jaor en kieke trök op völ waerdevol en gezellige ontmoetinge in Wieërt.
Oeës felicitâsies gaon uut nao ziêne opvolger Bart, dae vae hieël völ plezeer en succes tówwînse in zien now rol as Prizzedênt. Vae zeen uut nao ’n fein samewêrking!
