Aangepaszje Vastelaovendj 2022

15 januari 2022

Rogstaekers trékke conclusie oeëver Vastelaovendj 2022

Ondânks alle onzieëkerheid hebbe vae allemaol lang gehoeëptj um in ’t vastelaovendjsezoen 2021-2022 ’t laeve weer te kunne veere. Mer in november hieët Stadsvastelaovendjvereîniging de Rogstaekers al de uutroping van de zészje Vorst van Wieërt uut mótte stélle en ouch blieëk ’t sprookje vanne Gulden Humor 2021 neet te bestaon.

Noow de drej gekke daag almer dichterbeej kaome hieët de vereîniging de onvermiêdelike conclusie mótte trékke det ’t gewînzje vastelaovendjprogram neet realistisch és.

Ouch in 2022 zeen d’r gein Boonte Aovendje en Boonte Femiêlie Middige, gein Boorebâl en gein optochte. De Stadspreens zâl neet de vastelaovendj belaeve dae hae verdeêntj en blieftj daorum ouch dit jaor de groeëte onbekindje.

Toch zâl ’t op 27 en 28 fibberwari en 1 mieërt vastelaovendj zeen. 

Vae zeen vuuërnemes um d'r vör te zörge det dieës daag neet onopgemêrktj vörbeej zulle gaon. Binne alle bepêrkinge prebieëre vae de zjuuste toeën aan te slaon.

Dao oeëver volgtj later mieër informatie.

Blieftj gezónd en laotj 't vastelaovendjveur börre mét in eur hért gegravieërdj:

"Laeve de Rog, Vivat oeës Wieërt"

 


Tags: -

Kiektj ouch us beej:

10 maart 2022

Dit jaor hieët V.V. de Rogstaekers, same met înkel kepélle, ’n aantal minse in ’t zönneke moôge zétte. Um verschillendje rieëje kriêge dieës minse inne aanloup nao de vastelaovendj van 2022 ’n bezeûkske van ‘n…

Serenades, Óngerscheidinge en Bloôme

Lees meer

25 februari 2022

Op dieënsdig 1 mieërt zal Jeugdpreens Sjoerd I d’r toch echt aan mótte geluive. Naodet hieël wat hermeniekes en kepelle ’s middigs ongetwiêfeldj vör de noeëdige meziek hebbe gezörgdj és ’t um 19:11 oor zoeë…

Dieënsdig 1 mieërt: Abdicatie

Lees meer

20 februari 2022

Op zoondig 20 fibberwarie 2022 kriêg Sjoerd I de sluuëtel van ’t stadsachterpörtje uutgereiktj doeër börgemeister Raymond Vlecken. Det gebuuërdje oppe trappe van ’t aod stadhoês oppe Mêrrentj. Aansloêtendj mocht oeëze Jeugdpreens nog hieël wat…

Sluuëteloeëverdracht Jeugdpreens Sjoerd I

Lees meer
Mieër noets