’t Programma vör ’t sezoen 2022-2023 és zoeë good as komplieët
Nao twieë jaor van programmieëre, aafzégke, oppernoets programmieëre en alwieër inne aafval-eimer goêze, és ’t programma vör ’t kaomendj sezoen zoeë good as komplieët.
Toch publicieëre vae nog neet ’t hieële oeëverzicht, umdet heej en dao nog waat pûntjes oppe spraekwoeërdelike “i” motte waere gezatte.
Neteurlik zeen d’r hoeëgtepûnte, zoeë wi-j de uutrooping vanne 6e Vorst van Wieërt op zaoterdig 12 november, met aansloêtendj de oeëpening van ’t Vastelaovendjsezoen 2022-2023, de Bonte Aovendje met oppe Gala Aovendj de uutrooping van de 77e Rogstaekerspreens, ‘ne daag later gevolgdj doeër de bekindjmaking van de 71e Jeugdpreens. En neteurlik de optochte, woeë edereîn al jaore op zitj te wachte.
Kiektj daorum regelmaotig effe inne Agenda um te zeen of d’r wieër wat beejgekaome és en verhuuëgtj uch op waat kaome gieët.
