Juul, de kleine kwânte kwakkert: de film!

23-11-2022

(Gae kintj neteurlik allemaol det schoeën book van Juul, de kleine kwânte kwakkert. Dit book és in 2021 geprizzentieërdj inne aanluîp nao de uutreiking van de Gulden Humor aan Huub Stapel. Waat dejje messchien nog neet wisj, és det de belaevenisse van Juul en touvenaar Carnavales ouch op bieëldj zeen vastgelagdj. De schoeëne uutbîngel van dieës opnames kujje heej zeen.)


 

Êrges in ‘ne schoeëne groeëten hoeëf in e feejeriek plaetske in Limburg woeëntj Juul, ‘ne kleine kwânte kwakkert. Hae és gek van Vastelaovendj en… van sprookjes. Zieëker van sprookjes woeë-in prinssesse mét e muulke ‘ne kwakkert as preens tot laeve brînge. Want preens waere, dét és zienen droûm.

Of daen droûm uutkeumtj? Det zeeje in dieëze film. Same mét ziene kammeraod -de in Limburg werreldjberoemdje touvenaar Carnavales- gieët Juul op zeuk nao alle ingrediënte vör ‘ne touverdrânk dae noeëdig és um zien droumprinses tieëge ’t liêf te loûpe. Zoeë keumtj dit twieëspan op allerlej schoeën plaatse in ’t Limburgse lând en maakdjae, as kieker, daobeej ouch nog kinnis mét 17 Limburgse dialecte.

Haotj eur eige neet langer in spanning, begintj vlot mét kieke en laotj uch verrasse. De conclusie moog vuuëraaf al dudelik zeen. Ajje d’r tenminste vör oeëpe staotj en d’r in dörftj te geluîve. ‘Sprookjes bestaon!’

’t Sprookje ‘Juul, de kleine kwânte kwakkert’ és geschriêve in aanloup nao de uutreiking van de Orde van de Gulden Humor, de hoeëgste Limburgse vastelaovendjoongerscheî-jing, aan Huub Stapel.

Met dânk aan Mark Bouwmans, Dion Huiberts, Jasper Heesakkers, Ed Stroek, Frans Snels, Gerdy Janssen-Hartholt, Natasja Broens Van Winkel, Katja Henz, Jack Peeters, Bart Storcken, TheienMarij, Lauran van den Bogaart, Bart Maes, Paul Göttgens, Frits Dirks>, Bart Faassen, Max Ruiters, Jan Stroek, Beppie Kraft, Janou Koudijs, Eric Voncken, John Prevo, Maud du Chatinier, Marcel Spikmans, Frits Pelt, July Vijgen, Joost Meijs , Theo Bovens, Luc Volders, Resi Coumans, Sjef Schurgers, Wim Cremers, Jordy Smeets, Tom Doesborg, Theo Nellen, Stichting Jo Bergmans, Veldeke Wieërt, Bisdom Roermond (Alexander De Graaf Woutering), Parochie H. Bartholomeus Meerssen, Familie Bronckers (Eygelshoven) en Spark Tech Lab Weert.