Kaartverkoup Boonte Aovendje en Femiêliemiddige

21-11-2022

Nao înkel jaore van aafwieëzigheid zulle van 20 wis 28 jannewarie de lâmpe wieër aangaon um de bühn en decors oppernoets in ’n kluuërriêk lîcht te zétte. De artieste zulle schittere as noeëts te vuuëre en de lach en d’n Aoje Rog van Wieërt zulle wieër regieëre in ’t Munttheater.
Ónger de titel ’t Mót geine musical waere gaon de Boonte Aovendje en Boonte Femiêlie Middige wieër beginne.

Op maondjig 28 november startj de kaartverkoup via de kassa of de website van ’t Muntheater.

De Boonte Aovendje zeen op vriêdig 20,  zoondig 22, maondjig 23, donderdig 26, vriêdig 27 en zaoterdig 28 jannewarie en beginne um 20:00 oor.

De Gala Boonte Aovendj met uutrooping van de 77e Stadspreens van Wieërt és op zaoterdig 21 jannewarie en begintj met 'n vuuërontvangst um 18:30 oor.

De Boonte Femiêliemiddige beginne op zoondag 22 jannewarie en op zaoterdig 28 jannewarie. um 14:00 oor. Oppe zoondig kunne de wichter (en de minse di-j ze hebbe mejgenoeëme) getuuëge zeen van de uutrooping van de 71e Jeugdpreens.