Speldje “Ich bin ‘ne Rogstaeker®” 2023

13-11-2022

Patrick Smeets, ontwêrper van 't pinke vör 2023

Wi-j de ontwêrper van ’t speldje Ich bin ‘ne Rogstaeker®, Patrick Smeets, gevraogdj woeërt vör ’t ontwêrp gong d’r ’n gruuëtsigheid doeër ‘m haer. “En noow?” woor zien ieërste reactie. Al gaw kwaome twieë zake beej ‘m nao boeëve deej hae inne vastelaovendjveering belangriêk vingtj. “Vastelaovendj veerdje vanuut eur hert (en zeel) en same”.

Speldje uut ’t hert gegrieëpe
"Vanuut ’t hert" és ingegaeve doeër zien betrokkenheid van joongs aaf aan. "Same" és vör hem neet alleîn mét vrînde, mèr mét edereîn di-jje mét de vastelaovendjdaag tieëge kotj. Dieës twieë aspecte zeen good te zeen in ’t goudkluuërig hert en de hendjes di-j twieë figure om mekaar haer slaon. ’n Gewêldjig schoeën rizzeltaot mét de vastelaovendjkluuëre roeëd, gael en greun en neteurlik ’t kuuëninklikke Rogstaekersblaw.

Mét ’t speldje Ich bin ‘ne Rogstaekers® zeeje ongerdael vanne vastelaovendj in Wieërt en laodje kieke d’r gruuëts op te gaon dejje uch Rogstaeker® neumtj en veultj. Kiektj mèr ’s oppe speciaal pagina vör "Ich bin..." waat inschriêve uch of eur wichter kân brînge.
Ingeschriêve Rogstaekers® kriêge in waek 46 (14 t/m 20 november) bericht det ze det schoeën speldje kunne aafhale.