Tiêdes de ieërste Boonte Aovendj van vriêdig 20 jannewarie hebbe de Rogstaekers eûre nowwe Kanseleer geïnstallieërdj. Naodét Kanseleer Jasper in november beneumdj és tot zésje Vorst van Wieërt, kwoom de functie van Kanseleer/vice-vuuërzitter vacânt.
De ieërvôl taak as plaatsvervânger van Vorst Jasper és wégkgelagdj vör Rob Hermans.
De nowwe Kanseleer és vanaaf 2000 lid van Stadsvastelaovendjvereîniging de Rogstaekers en hieët al verschillendje take moôge vervölle binne de vereîniging. Zoeë haaj hae de tawkes as Sirremoniemeister ruum 11 jaor stieëvig in háng, woeënao hae de groeëte kracht woeërt achter de organisatie van de Boonte Aovendje. Sieër 2017 és hae besteurslid en in di-j functie beklédj hae de rol van vice-vuuërzitter al vanaaf december 2019.
De 47-jaorige aanstaondje Kanseleer és getrawdj met Karin Schreurs en és vader van Jelle en Luuk.
