Kaartverkoup . . . . . . . . . . . . . . . . . van start

In 2025 bestaon de Rogstaekers 9x11 jaor mét as motto “Bekans ieëwig joonk”, mér det beteîkentj neet det vae neet oeëpe staon vör verângeringe. De nowwe reeks Boonte Aovendje en Femiêlie Middige zeen dao ’n schoeën vuuërbieëldj van.
Ónger ‘t motto “Neet te filme” prizzentieërtj Stadsvastelaovendjvereîniging de Rogstaekers heur 83e Boonte Aovendj en Femiêlie Middige. Dit jaor hieët de vereîniging gekoeëze vör ’ne ângere opzét, woeëdoeër ’t muuëgelik és um mieër minse en groepe mej te kunne laote doon aan de vuuërstellinge.

Dieës vuuërstellinge zeen in ’n korter tiêdsbestek, mér ouch de aovendj zelf zuuët d’r ângers uut as dejje de léste jaore gewindj zeetj. Alle groepe di-j mej doon zulle neet alleîn doon woeë ze good in zeen, mér ze zulle ouch uut heur comfortzone gehaaldj gaon waere, zjuust wi-j de bezeukers, mét alle hilariteit di-j dao beej keumtj. Laotj uch mér ’s verrasse!
Vör dit jaor gaon in totaal mieër as 75 vreejwilligers mej doon aane aovendj:
- Boonte Aovendj Artieste
- Boonte Femiêlie Middig Artieste
- B.O.V.A.G.
- Manoeuvre
- One in Motion

En ouch oeës eige Roggebieëste, de jeugd van 12 – 16 jaor, kriêge ’n rol inne Boonte Femiêlie Middig.

De Vuuërstellinge:

• Woonsdigmiddig 29 jannewarie 2025: Boonte Femiêlie Middig, 15:30 oor
• Donderdig 30 jannewarie 2025: Boonte Aovendj, 20:00 oor
• Vriêdig 31 jannewarie 2025: Boonte Aovendj, 20:00 oor
• Zaoterdigmiddig 1 fibberwarie 2025: Boonte Femiêlie Middig, 13:00 oor
• Zaoterdigaovendj 1 fibberwarie 2025: Boonte Aovendj Galavuuërstelling, 20:00 oor (vuuërontvangst 18:30 oor)
• Zoondigmiddig 2 fibberwarie 2025: Boonte Aovendj (matinee), 13:00 oor
• Zoondigaovendj 2 fibberwarie 2025: Boonte Aovendj (aovendj), 20:00 oor

 
Kaartverkoup
Kaertjes zeen vanaaf 19 november te koup:

• Boonte Aovendj: € 22,95 (via Munttheater)
• Boonte Femiliê Middig: € 8,95 (via Munttheater)
• Galavuuërstelling (met vuuërontvangst): € 55,- (via mail aan Rogstaekers)