Vreûger woeërt d’r eder jaor înkel waeke vuuër de groeëte optocht ’n vergadering gehaoje. De Rogstaekers wille dit gegaeve now laeve inblaoze um zoeë tiêdig informatie te verschaffe oeëver de optocht van kaomendj jaor. Daorum wurtj d’r vör edereîn dae mej wiltj doon aan de Groeëte Rogstaekersoptocht 2025 ‘ne informatieaovendj gehaoje. Dieëze aovendj vingtj plaats op woonsdig 9 oktoeëber 2024 in buurthoês Fatima aan de Nieuwstraat 11 in Wieërt en begintj um 19:30 oor. Belangstellende optochtdaelnemers kriêge d’r uutlegk oeëver de inschriêving, de pûntetelling, de priêze en vergeujinge, de beoeërdaelingscriteria van de jury, ’t verloup vanne optocht en de aaf te sloête verzieëkeringe. De aovendj wurtj aafgesloeëte mét ’n informeel gedaeldje, woeëbeej ‘ne optochtfilm uut de aoj doeës wurtj vertoeëndj.
As dejje nog ânger specifieke ongerwêrpe besproeëke wiltj hebbe, dan kujje di-j tot uterlik 2 oktober doeërgaeve. Dieëze aovendj kujje alleîn beejwoeëne doeër uch van te vuuëre aan te melde. Vanwege de bepêrkdje ruuëmdje kunne maximaal twieë persoeëne per vereîniging aanwieëzig zeen. Gae kuntj tot uterlik 5 oktoeëber e mailtje steure nao optocht@vvderogstaekers.nl Waal effe vermelde of dejje alleîn of met twieë persoeëne komtj. De optochtkemissie hoeëptj van herte uch te kunne begroete.
