Vae gaon weer beginne aan ’t samestelle van oeës vastelaovendjgezét De Rogstèker.
Alles beej-eîn de 99e uutgaaf en dao zeen ve gruuëts op.
Oeës vuuërneme? ’n Informatieve, ludieke en vörâl ammezânte gezét, woeë edereîn van kân geneête.
Ouch eur hûlp kunne ve daobeej good gebroêke!
Hejje leuke kopij, dae ve as knouwel (humor) kunne gebroêke? Dan steurtj dae mer in.
Waat vae neet zeuke zeen sûmpel möpkes op ’t niveau van ‘Jantje en oma’.
Waat zeuke ve dan waal:
- Ludieke, lokale “wiszje det…”-óngerwêrpe
- Moppe, di-j te maken hebbee mét Wieërt en umgaeving
- Verhäölkes, woeë-in op ’n lollige meneer emus of iets oppe hak wurtj genoeëme
- Foto’s van grappige, lokale gebuuërtenisse (bewêrktj mét Photoshop és gein probleem)
- Carnavaleske gedichte
- Uutlégk van lokale, grappige beejname
- Foto’s-van-toen-en-noow, woeë ‘ne humoristische drèj aan zitj
- Vehäölkes oeëver lollige misverstânde
- Parodieë op lokale noetsberichte
- Grappige strips en cartoons
- En nog völ mieër!
Belangriêk: vae plaatse noeëts iets, waat kwetsendj vör emus és.
Hejjae ’n briljânt idee of ’n grappige beejdraag?
Steur ’t dan in! Vae zeen uch êrg dânkbaar vör eure inbring.
As ’t effe kân, dan eur kopij in dialect aanlevere.
’t És neet êrg as dao foute in staon, want alle tekste waere gecontrolieërdj.
Uterste inzenddatum és 1 december.
Kopij kujje maile nao sikretaris-pr@vvderogstaekers.nl
Alvast bedânktj names de Rogstaekers,
Tom Janssen, sikretaris PR-kemissie
