Oppe 11e van de 11e hieët Stadsvastelaovendjvereîniging de Rogstaekers de nowwe Kanseleer geïnstallieërdj. De ieërvôl taak as plaatsvervânger van Vorst Jasper és wégkgelagdj vör Roland Weekers.
De nowwe Kanseleer és vanaaf 2019 lid van Stadsvastelaovendjvereîniging de Rogstaekers en hieët al verschillendje take moge vervölle binne de vereîniging. Zoeë és hae de groeëte kracht achter de organisatie van de Boonte Aovendje. Vanaaf mieërt 2024 maaktj Roland Weekers al dael uut van ‘t besteur en in de ledevergadering van oktoeëber jl. és hae beneumdj wis vice-vuuërzitter van de Stadsvastelaovendjvereîniging. De 54-jaorige Kanseleer Roland és getrawdj met Jeanine en vader van Jari en Rafke.
